Update-20
Ab tak…
“Tum kal hi aa jana. Hum kal hi milte hai.” Bas itna hi kaha richa ne aur fir neeche dekhne lagi.
“Huh!? Ohh haaa… Sure!!” Rahul jese uski baat sunn apne shock se baahr aaya. Kitni cute lag rahi thi richa sharmaate waqt. Rahul ka bhi dil dhak dhak karne laga tha usse aise sharmaate dekh.
Finally wo baahr nikla aur sabhi ko bye bol aur kal ka aane ka bolke wo market side nikal gaya. Usse gift lena tha tanisha dii ke liye. Par kya? Kon sa gift de ki tanisha dii khush ho jae? Kya pasand hai unhe? Maanegi bhi nahi ya nahi? Sawaalo se uljhe rahul bas bike pe sawaar aas paas ki dukaane dekh chalta jaa raha tha…
Ab aage…
Rahul apni gixxer pe sawaar aas paas ki dukaane dekhte hue chal raha tha ki tabhi usse ek acchi si gift shop dikhi aur rahul ne bina kuch soche samjhe seedhe gaadi ko uss dukaan ke saamne park kar diya.
Andar dukaan me gaya toh boht saare gifts ke items the, naye naye prakaar ke gifts the, couples ke liye dhero items the toh wahi family me kisi ko gift karne ke liye bhi bharpoor items maujood the.
“Aaiye sir!! Boliye kya chahiye… Kesa gift dikhau!?” Dukaan waale ne andar aate rahul ko dekhte hue pucha.
Dukaan wala bhi sajjan aadmi lag raha tha, kis prakaar se apne customer ko service deni hai aur kesa bol chaal rakhna hai ye kaam usse acche se aata tha. Akhir vyawhaar dekh ke hi toh aadmi dubaara dukaan me aaega na?
“Thoda dekh lu uncle! 2 min soch ke bataata hu” rahul ne dher saare saamne showcases me rakhe gifts ko dekhte hue kaha.
“Ji bilkul! Aap dekh lo acche se ya mujhe bata dijiyega kis type ka gift chahie mein apko dikha dunga”
Dukaanwala bola.
Ab rahul soch me dooba bas apni pyaari tanisha dii ke baare me soch raha tha. Kese harr baar uski tanisha dii jab bhi usse chot pohuchti thi toh kitni sawdhaani aur pyaar se usse treat karti thi. Yaha tak ki koi paise bhi nahi leti thi. Bas first time hi usne paise liye the wo bhi rahul ke kehne par, rahul ne jo bhi uske liye kiya tha tanisha usko hamesha yaad rakhti thi aur rahul se paise lena usse bilkul pasand nahi tha. Dusri baat ye ki usse rahul ko chotil dekhna bhi pasand nahi tha. Isliye hamesha wo rahul ko ladai se dur rehne ki hidayat deti thi.
Kya uski tanisha dii maanegi? Kya pasand tha usse? Aur phone kyu nahi utha rahi hai? Thik bhi hai ya nahi? Ruth toh nahi gayi? Yahi saare sawaal mann me uthal puthal macha ke rakhe hue the uske mann me.
Rahul dekh toh raha tha idhar se udhar par kuch samajh me nahi aa raha tha usko ki kya gift de. Upar se wese bhi richa ke ghar se nikalte nikalte usse 7:30 baj chuke the. Aur ghar pohuch ke dinner bhi karna tha usse. Warna late hua toh vanshu toh sawaal pe sawaal rakh deti uske saamne. Upar se uski chot, jese tese rahul dard bardaasht kar raha tha. Driving ki wajah se uska pain aur badh jaata par wo kese bhi karke sehan kar raha tha.
“Kuch samajh me nahi aa raha ho toh mein madad karu kya beta!?” Dukaanwale ne rahul ko confused dekhte hue kaha.
R : uncle haa… Wo mein…
Dukaanwala: pehle ye batao beta gift kis ke liye chahie!? Matlab jisko dena hai wo tumhaara kya lagta hai ya lagti hai!?
R : ji wo…wo meri….
“Girlfriend ke liye chahie!? Yahi baat hai…kyu hai na!? Tum jese naujawan ki toh wese bhi gf hogi hi…” Dukaanwale ne rahul se kaha.
R : huh!!?? Jii wo… Mei…
“Dekho beta! Gf ko yadi pehla gift de rahe ho toh mein yahi suggest karunga ki ek accha sa soft toy do. Ladkiyo ko ye behad pasand aate hai. Aur wo jab apne rooms me usko saja ke rakhti hai toh wo tumhari yaad dilaenge usko. Aur saath hi saath chocolates lete jaana acchi waali…
Likh ke deta hu tumhari gf impress ho jaegi. Ye common zaroor hai par soft toy aajkal alag alag prakaar ke aane lage hai, aur chocolates bhi. Isliye ye combo hamesha kaam karta hai…”
Dukaanwaala rahul kuch keh paata uss se pehle hi bol diya.
R : ohhhh!
R(mann me ) : par chacha ab tumko kya batau, ye meri behan jesi pyaari tanisha dii ke liye hai, ajeeb hai dukaan wala bhi, arre bhai bolne toh dete… Kherr…
Rahul bas flow ke sath chalta jaa raha tha. Tabhi dukaanwala andar se kuch soft toys laaya alag alag prakaar ke alag alag Janwar ke, kuch boht hi cute the, kuch bade the, kuch medium size ke.
Ki tabhi rahul ki nazar ek panda wale soft toy par padi jo boht hi cute lag raha tha. Aur size bhi medium tha. Rahul ko wo panda dekhte hi saath lubha gaya. Mann me hi vichaar aana shuru ho gaye uske, ki ye toh tanisha dii ko pasand aa hi jaega. Usne turant wo panda pack karwaya aur ek carrybag me rakhte hue bike pe taang ke nikal gaya chocolates lene.
Ek store me pohuch ke wo dark chocolate ka ek bada packet khareedta hai aur sab kuch leke wo tanisha ke ghar ki taraf ravaana ho jaata hai.
Raat ki chaandini me rahul apni bike ko madhyam gati me chalaate hue, tanisha ke vichaaro me dooba hua tha.
Tanisha ka ghar ek flat me tha, Second floor pe jaha lift bhi lagi hui thi. Rahul bike park kar ke lift me second floor ki taraf badha aur tanisha ke ghar ki or chal diya.
Kuch kshan baad hi tanisha ke ghar ke paas pohucha toh rahul ko ek jhatka sa laga. Ghar pe tala laga hua tha. Ab rahul ko thodi tension hona shuru ho chuki thi. Ek toh tanisha call nahi utha rahi thi, aur upar se ghar pe taala laga hua tha.
“Dii kaha chali gayi? Wo toh shaam 7 baje tak ghar aa jaati hai hospital se. Fir!?? Call bhi pick nahi kar rahi… Dii!!! Where are you!?? Ab mujhe tension hone lagi hai, kahi koi musibat me naa ho…
Hospital!! Yeah!! Hospital me call karke puchta hu.”
Rahul ne mann me vichaar karte hue idea dhunda.
Aur forun tanisha ke hospital me reception me call kiya, dusri side se receptionist ne call pick kiya aur baat karne pe pata chala ki tanisha toh shaam 6 baje hi ghar ki taraf nikal chuki thi.
Ab rahul ko dusra jhatka laga, 8:30 baj raha tha aur yaha tanisha ka koi ata pata nahi tha. Rahul ab boht hi zyada vichlit ho raha tha.
Mann me galat khayaal aane shuru ho gaye the, kahi kuch bura na hua ho tanisha ke saath. Tanisha ko boht maanta tha wo, aur uski help karne ke liye hamesha aage rehta tha wahi tanisha bhi sage bhai ki tarah treat karti thi rahul ko. Ek badi behan jese care karti hai bilkul wese hi wo rahul ko boht pyaar deti thi.
Aaj jab tanisha ka koi ata pata nahi tha toh rahul ka dil ghabra utha. Rahul ko ek ajeeb si ghabrahat ho rahi thi, ek ajeeb si feeling aa rahi thi, usse darr tha ki kahi uski tanisha dii uss se dur na chali jaye, kahi wo bichad na jae uss se, paseene ki lakeere uske maathe pe saaf jhalak rahi thi. Saaf pata chal raha tha ki rahul abhi kitni tension me hai.
Jab aapki ek aise vyakti se pehchaan hoti hai jo aapko bakhubi chaahe aur aapke liye kuch bhi karne ka jazba rakhe toh ek mazboot bandhan sa ban jaata hai uss vyakti ke saath. Aur wo bandhan aur bhi mazboot ho jaata hai jab uss vyakti pe koi musibat aan padti hai.
Tab aap sab kuch bhul kar uske baare me hi sochte ho.
Aisa hi kuch scene abhi rahul ke saath ho raha tha. Ab samajh nahi aa raha tha ki kya kare… Karta bhi kya!? Na phone karne ka koi fayda tha aur naa hi hospital me puchne ka.
Tabhi rahul ke dimag ki batti jali aur wo seedha carry bag pakde pakde hi neeche gaya aur baahr thodi dur chal ke ek fal waale ke paas pohucha.
“Arre raju!! Tanisha dii ko dekha kya tumne!?” Rahul ne uss fal waale se puchte hue kaha.
Iss fal waale ka naam raju tha aur ye flat waali society ke baahr hi fal ka thela lagaya karta hai, rahul ne iss se jaan bujh ke pehchaan bana ke rakhi hui thi. Tanisha bhi fal raju ke yaha se hi khareedti thi. Society se koi bhi aata jaata tha toh raju aksar dekha karta aur usse saari khabar lagbhag rehti thi. Isliye rahul ne uss se pehchaan bana ke rakhi hui thi, sirf aur sirf apni tanisha dii ke liye.
“Bhaiya ji! Abhi yahi koi 1 ghante pehle hi didi gayi thi bahar paidal, uske baad se ab tak nahi aayi hai.” Raju bola.
R : kya?? Ek… Ek ghante pehle?? Wo bhi paidal?
Raju : ji bhaiya jii! Konu dikkat ho gayi kya bhaiya!?
R : n…nahi… Thik hai koi baat nahi.
Rahul forun apni bike uthaya aur society se baahr nikla. Ab uski ghabraahat boht zyada thi. Darr satae sa jaa raha tha usse, kesi hogi uski tanisha dii? Kya kar rahi hai akele? Phone kyu nahi utha rahi? Sahi salaamat hai ki nahi?
Dil tezzi se dhak dhak kar raha tha uska. Bas bike ko speed me bhagae jaa raha tha. Usne pehle aas paas ke ilaake me dekhna behtar samjha aur galiyo me hi bike pe sawaar apni nazro se uss ek pyaare se chehre ki talaash me chala jaa raha tha.
Ek gali se nikalte hue rahul ko ek park dikha jo maintained nahi tha, udhar ki lights bhi kharaab thi, isliye waha sunn sapaata tha. Andhera kaafi tha aur 2 3 kutte aapas me ladd rahe the. Rahul ne pehle ignore maara aur aage badha ki tabhi usko thodi dur ek ped ke paas saaya dikha aur usne gaadi ko turant rok diya aur utar ke uss saaye ke paas chal diya.
Ahista ahista rahul apne kadam badhaata hua uss ped ki taraf chala jaa raha tha, usne carry bag ko bike pe hi taang ke chorr diya tha.
Aage badhta raha aur jese hi wo ped ke nazdik pohucha toh ek ladki ki peeth dikhi usse, aur rahul ne uske kandhe pe jese hi haath rakha toh ladki ki ekdum cheenkh nikal gayi aur turant palat gayi.
Tanisha dii!! Haa ye tanisha dii hi toh thi. Tanisha ne jese hi rahul ko dekha toh ekdum shaant ho gayi, pehle toh 3 4 second tak rahul ke chehre ko dekhti rahi ki tabhi rahul ne “dii” keh ke pukaara…
Aur tabhi tanisha ki aankho se aansuo ki dhaarae labalab behne lagi aur jhatke se usne rahul ko bheench liya.
Uske pyaare naram uroj rahul ki chhaati se jaa takrae.
Tanisha subak subak ke royi jaa rahi thi, hichki tak aane lagi thi, sisakti hui wo bechaari bas rahul ko apni baaho me liye foot foot kar ro rahi thi.
Rahul ki toh kuch samajh me hi nahi aa rha tha usko ye jaan ke khushi thi ki tanisha dii mil gayi toh wahi tension ye tha ki wo ro kyu rahi hai. Filhaal toh rahul ne usse comfort dene ke liye zorr se usko apne seene me samet liya. Aur uski back ko sehlaane laga.
Tanisha ke jism ki khushboo madhosh kar dene waali thi. Itna naazuk sa shareer aur itni pyaari si soorat pe toh kisi ko bhi pyaar aa jae.
Thodi derr yuhi rehne ke baad rahul ne usse apne seene se mukt kiya…
“Dii!! Aap yaha kya kar rahi ho? Aur call kyu nahi utha rahi thi? Pata bhi hai aapko mene kitne call kiye? Pata hai aapko mein kitna ghabra gaya tha? Aapke ghar gya toh waha tala… Fir hospital me pucha toh pata chala ki aap 6 baje hi nikal chuki ho, fir raju se pucha toh wo bataya ki aap ek ghante se ghar nahi aayi ho… Aapko pata bhi hai mein kitna darr gaya tha? Haa?? Bataiye?? Boliye kuch!!” Rahul ne ek saas me saare sawal kar diye, saaf pata chal raha tha ki wo apna sayyam kho chuka tha, sirf aur sirf tanisha ke liye.
Tanisha ne ek baar rahul ke chehre ko nihaara, kitna pareshaan tha rahul uske liye. Aur yaha woh uske saath kya kar rahi thi…
Usne saari baatein ko ignore kiya aur rahul ko bharpoor nihaara, uske firse aasu chalak aae aur rahul ke chehre ko apne dono komal haatho me liya, aage badhi aur uske poore chehre pe chumban ki barsaat kar di.
Tanisha rahul ko chumte jaa rahi thi.
Fir jab uski saas fulne lagi toh wo ruki aur ek baar aur uska chehra nihaara aur tabhi ekdum se……
.
.
.
.
.
Aaj ke liye itna hi friends!!
Keep supporting!! 
