Update – 105
Ab tak…
Aur nisha ke saath teeno kitchen me chali jaati hai.
Neha : bhai?? Everything will be fine right?
Rahul : hope so!!
Aur sabhi naashte ki prateeksha karne lagte hai par sabhi ke andar aane waale kal ko lekar chinta zaroor thi. Khaaskar ki neha anshu vanshu aur Taniya ko. Ab dekhna ye hai ki kon zyaada saubhagya-shaali niklega? Ya fir sabhi saubhagya-shaali rahenge?
Ab aage…
Kuch shan baad hi, nisha richa monica aur tanisha ke saath naashte me sabhi ke liye garma garam pakode bana ke le aayi aur sabhi ko chai bhi serve kii. Pait puja ho jaane ke baad ab sabhi thakaan mehsoos karne lage the aur araam karne ka soch rahe the.
Neha ne vanshu anshu taniya ko lekar apne kamre ki or prasthaan kiya, wese toh uska mann apne bhai ke saath uske saath chipak kar sone ka tha parantu richa aur baaki sab bhi yaha thi, isliye usne unhe rahul ke saath hi rehne diya.
Richa monica tanisha teeno hi rahul ke room me thi. Chaaro bas ek dusre ke agal bagal chipak kar laite hue araam farma rahe the.
Khushi aur preeti ne nisha ke room ke bagal waale guest room par qabza kiya aur dono wahi bistar par laiti hui thi.
“Kya socha fir?”, Preeti ne dono ke beech chal rahe sannaate ko dur karte hue kaha.
Khushi : Preeti! I need to talk with dad. Mujhe kese bhi karke unhe manaana hai preeti.
Preeti : hmm! Tum call kyu nahi karti unhe?
Khushi : haa! Yahi sahi mauka hai.
Khushi apna phone uthaate hue apne dad ko forun hi call lagaati hai,
Khushi : hello?
Master : hello! Kya baat hai beta? Bolo! Kesi ho? Thik ho na?
Khushi : mein theek hu dad! Mujhe darasal aapse kuch baat karni hai.
Master : haa toh kaho na!
Khushi : dad wo… I don’t know kese kahu aapse…
Master : arre beta! Apne baap se kya chhhipaana ab?? Jo bhi hai bata do
Khushi (blush) : dad! Aap jaante hai na ki…I…I love rahul!
Master : haa toh ye toh acchi baat hai na!? Haha! Isme kya dikkat hai?
Khushi : dad! Isme dikkat nahi hai…
Master : toh kya dikkat hai? Kya rahul tumse pyaar nahi karta?
Khushi : no dad… aisa nahi hai! Wo baat ye hai ki … *Gehri saas lete hue* uski aur bhi partners hai dad… And he loves them too
Uska kehna ye hai ki… Yadi mein uske saath rehna chaahti hu toh mujhe uski baaki partners ke saath rehna padega… In other words, I have to share him with his other lovers…
Dusri side se koi jawaab nahi aaya aur sannaata chhaate hi khushi aur chintit hone lagi.
Khushi : dad??
Master : kya kaha tumne?? Zara firse toh kehna
Khushi (darrte hue) : dad! Wo…rahul ki aur bhi partners hai, jinhe wo pyaar karta hai
Master : kyaaaaaaaaaaaa?
Apne dad ki zorr se awaaz sunte hi khushi seham gayi. Yadi uske dad ka ye reaction hai ye sab sunke toh wo toh bilkul bhi ye sab nahi hone denge.
Khushi : dad please! Pehle poori baat suniye… Rahul ka relationship uski baaki partners se bhi pyaar waala hai but sabse badi baat ye hai ki uski baaki partners bhi ek dusre ke saath ghul milkar rehne ke liye raazi ho gayi hai. Aur rahul ne mujhe pehle hi sab kuch bata diya hai…ki yadi mein uske saath rehna chaahti hu toh mujhe ye balidaan dena hoga… aur wo mujhe sabke jesa equally pyaar karega…dad! I really love him…
Master : ye kya bakwaas kar rahi ho tum beta? Rahul ki himmat kese hui meri beti ke saath chhal karne ki…
Khushi : no….no…dad! Rahul ne mere saath chhal nahi kiya hai. Usne toh mujhe sab kuch sach sach bata diya pehle hi…
Master : sach sach? Kya matlab sach sach? Mene hi toh usse tumhe protect karne ke liye rakha tha jaan bujh ke, taaki tum dono aapas me jud sako…
Khushi : huh??
Master : par mujhe nahi pata tha ki rahul ki aur bhi partners hai… Mene rahul ko aisa bilkul bhi nahi samjha tha. Mujhe toh laga tha wo richa ke saath hai par yaha toh wo richa ke alaawa bhi baaki kisi ke saath laga hua hai aur uski himmat kese hui baakiyo ke saath rehne ke baad meri beti se ye kehne ki, ki wo tumse pyaar karta hai…
Khushi : dad… Aap please shaant ho jaiye!
Master : nahi! Tum abhi ke abhi wapas gwalior aao idhar mere paas. Rahul se mein baad me baat karunga iss baare me. Aur jaha tak mujhe lag raha hai, tum usse bhul jao toh hi accha hai.
Apne dad ki baat sunte hi khushi bechaari poori tarah se darr gayi. Bhool jao?? Rahul ko bhool jao? Kya aisa khushi kabhi soch bhi sakti hai? Bilkul bhi nahi! Bachpan se lekar aaj tak tha hi kon jo uske saath itna close tha? Preeti toh ek ladki hai aur uski best friend. Par ladko me toh keval rahul hi tha jiske saath rehkar khushi ko pyaar waali feeling meshsoos hui.
Khushi ke dad ke na jaana kitne mitr the china me. Unn mitro ke jo bete the, wo aae din khushi ko impress karne ki koshish me lage rehte the. Ki kese bhi karke wo khushi ko abhi se hi pata le taaki aage chal ke jab khushi badi hogi toh unki shaadi khushi se ho jaegi aur issi bahaane master ki property par bhi unka haq bann jaega aur wo uske maalik ho jaenge. Akhir kaar khushi unki eklauti beti jo thi. Par khushi ne aaj tak kisi pe ghaas nahi daali thi. Kaha the ye sab log? Jab uski maa ka dehaant hua tha aur uske dad keval ek bodyguard the. Tab toh uske dad ke paas itna paisa bhi nahi tha. Tab kaha the ye sab log? Kya koi haath aage badhaane aaya? Nahi!
Ab jab uske pita ke paas paisa hai toh sabhi ko wo nazar aa rahi hai!? Ab kyu aae hai ye? Taaki property par haath jama sake??? Issi kaaran khushi keval preeti ko hi apna humdum saathi maanti hai. Preeti uske saath tab bhi thi jab unke paas kuch nahi tha aur ab bhi hai jab uske paas sab kuch hai. Yahi kaaran tha ki khushi asaani se kisi ladke par bharosa nahi karti thi. Aur rahul ko bhi usne pehle aisa hi samjha tha.
Par uss din jab wo car me bandhi hui baithi thi aur usne jab dekha ki rahul usse bachaane ke liye akele aaya hai aur uske liye ladaayi ladi. Uss din ke baad se toh jese khushi ke mann me aur saath hi saath dil me rahul ke prati jo ghrina waali bhavnaaye thi wo ekdum samaapt ho gayi aur ek pyaar ke beej ne janam le liya. Uss din ke baad se maano sab kuch badal gaya.
Rahul ka yu uske saath mazaak karna, usse khaana banaana sikhaana, usse khaana serve karna sikhaana, kuch accha kaam karne par rahul ka uske sar par pyaar se haath ferrna, ye sab choti choti baatein jo unn teen mahino me ghati, wo pyaar ka beej kab ek thos, bade, mazboot, ped me tabdeel ho gaya usse pata hi nahi chala.
Rahul ne pehle khushi ko ek maa ki feeling dii, usse kaam sikhaana, khaana banaana, khareed daari sikhaana, deen duniya ka gyaan dena, sab kiya. Uske baad rahul ne usse ek bhai ki feeling dii, jab wo uske liye usse bachaane aaya. Rahul khushi ke liye ek complete family package tha. Par inn sab se aage jo feeling nikal gayi wo thi ek lover ki
Nateeja yahi nikla ki, khushi ko rahul se bepanaah pyaar ho gaya. Ab aise me wo bhala soch bhi kese sakti hai ki wo rahul ke bagerr reh sakti hai!? Ye baat toh sochna hi uske liye peeda daayak hai.
Khushi (rote hue) : dad…
Master : beta? Tum ro kyu rahi ho? Tum idhar aa jao mere paas mein…
Khushi : noooo dad!! Please! Aap samajhiye! I cannot live without him. I really really love him… Please! Samajhiye!
Master (gehri saas lete hue) : dekho! Abhi se tumhaara ye haal hai toh aage kya hoga? Tum wesi nahi ho beta. Rahul ko bhul jao, ye sab tumhaare bas ki baat nahi hai aur tumhe karna bhi nahi chaahiye..
Khushi (cries) : dad!!! Please!! Aapko meri kasam… Let me be with him!!! I’m sure he won’t betray me… Wo mujhe boht pyaar karega, usne kaha hai mujhse. He loves me too! Please!!! Please!!!
Khushi ne akhir kasam de hi dii.
Kuch shan tak dusri taraf se koi awaaz nahi aayi. Aisa prateet hua jese maano master kuch soch rahe the. Fir achaanak hi kisi ki gehri saas lene ki awaaz aayi aur,
Master : tumne kaha ki uski aur bhi partners hai! Kon kon??
Khushi : huh??? Wo…wo…richa didi, tanisha didi hai ek koi, aur monica didi…
Idhar khushi ne rahul ki behno ka ziqr nahi kiya kyuki ye ek sanjeeda maamla tha aur khushi kisi ka itna bada sach nahi bata sakti bina unse ijaazat liye…
Master : kyaaaaa??? Monica…wo kab? Kese?
Khushi : wo…pehle se hi unn dono ki friendship acchi thi, uske baad rahul ko jab goli lagi thi… Uske baad se toh… They are lovers…
Master : dekho beta! Tum meri bacchi ho. Meri eklauti bacchi!! Mein hamesha tumhaari khushi hi chaahta hu. Kabhi bhi tumhe dukh me nahi dekh sakta.
Khushi : i know dad…
Master : aur monica ne itni badi baat mujhse chhipaayi? Mein abhi uss se baat karta hu.
Khushi : dad no… Ye kya kar rahe ho aap? Kya sirf aapki beti ko hi pyaar chunn ne ka haq hai? Monica didi ko bhi toh apna pyaar chunn ne ka haq hai na? Aur wo bhala aapko kyu bataengi? Wo unki personal life hai.
Khushi ka virodh master ko poori tarah se chhup kar deta hai.
Master : toh theek hai… Mene ek faisla liya hai. Tumhe ye shart maanani padegi.
Khushi : k…kesi shart?
Master : mein tumhaare faisle me bilkul bhi hastakchhep nahi karunga. Tum rahul ke saath raho, jo karna hai karo. Par…par…
Yadi mujhe pata chala ki tum rahul ke kaaran zara bhi royi ho, ya usne tumhe taqleef pohchaayi hai jaane ya anjaane me toh tum ussi waqt waha se idhar aa jaogi. Mein ab aur kuch nahi sunn na chaahta.
Khushi : Dad!! O..ok mujhe manzoor hai dad!
Master (aah bharte hue) : meri beti…tum itni possessive kab se ho gayi? Tum rahul ko dusri ladkiyo ke saath kese dekh sakti ho bhala? Kya tum rahul ko unke saath pyaar karte hue dekh sakti ho? kya tumhe Ajeeb nahi lagega? Sabke saamne jab tum rahul ke saath aur uski baaki partners ke saath ye bataogi ki tum uski kuch patniyo me se ek ho?! Kya tumhe ajeeb nahi lagega ki baaki log kya sochenge tumhe dekh ke?
Khushi (nichla honth daat se dabaate hue) : dad! Mein shuru se hi akeli rahi hu. Preeti hi thi ek bas mere saath. Jab logo ne mujhe tab sahara nahi diya then why should I even care ki log mere baare me kya sochenge? As long as I’m with Rahul then I don’t need anything. Rahi baat uski partners ki… It sounds weird but I’ll manage… uski baaki partners bhi toh ek saath hi hai na? Kyu? Kyuki unke liye bhi rahul zyaada important hai. Na ki ye jalan waale bhaav…
Master : hmmm… Meri bas yahi kaamna hai ki
tumhare ye faisla tumhe taqleef na de bas.
Khushi ki aankhein ye uttar sunn namm pad jaati hai, “thankyou so much dad! Thank you so much. Aap bilkul chinta mat kariye dad! I can’t be more happy…”
Master (smile) : hmm! Chalo accha preeti ko phone do.
Khushi : aapko kese pata preeti mere saath hai?
Master : tum dono kabhi alag hue ho kya?
Khushi : hmm ye bhi hai. Accha ye lijiye, preeti se baat kariye.
Preeti : h.. hello?
Master : preeti!! Kesi ho?
Preeti : mein…as usual…acchi hi hu uncle
Master : hmm! Meri ek request hai tumse!
Preeti : jii kahiye na!
Master : dekho preeti! Tum bhi jaanti ho ki khushi pehle kesi thi aur abhi kesi hai. Sach kahu toh abhi ki khushi se mein kaafi prasann hu par ye khushi apne aap ko chot pohcha baithegi. Aur islie mujhe tumhaari madad chaahiye. Mein chaahta hu ki kabhi bhi Khushi Rahul ya iss paristhiti ke kaaran roye ya usse zara sii bhi taqleef pohche, tum mujhe forun bata dogi.
Preeti : j…ji uncle. I will.
Master : good! Aur hamaare beech kya baat hui ye khushi ko bilkul bhi mat bataana. Okay?
Preeti : j…ji!
Master : aur kisi bhi cheez ki zaroorat ho toh mujhe call kar dena. Aur…uska dhyaan rakhna preeti…aur apna bhi…
Preeti : aapko ye baat kehne ki zaroorat nahi hai uncle…
Master (smile) : thank you!! Rakhta hu ab…
*Call ends*
Call cut hote hi khushi sawaaliya nazro se preeti ko dekh rahi thi, jese fatafat demand kar rahi ho ki jo bhi baat hui usse forun bataayi jaaye. Uski palke abhi bhi bheegi hui thi…
Khushi : kya kaha dad ne?
Preeti : kuch nahi! Yahi ki… Mein tera khayaal rakhu…
Khushi (blush) : dad samajhte kyu nahi… I’m not a kid anymore…
Preeti : bacchi toh tu hai, tabhi toh unhone mujhe tera khayaal rakhne kaha hai. Chal accha ab ye bata…kya decide hua fir?
Khushi bina kuch kahe hi preeti ko bheench leti hai. “Wo maan gaye… but unki shart hai ki yadi rahul ne mujhe hurt kia ya mein yaha reh ke hurt hui toh wo mujhe bula lenge”
Preeti : ohhh!!! But atleast wo maan toh gaye…
Khushi (smiles) : yes!!!!
Preeti (mann me) : I’m sorry khushi! Uncle ki request par mujhe tujhse ye baat chhupaani padegi. Par ye zaroori hai, jese uncle tujhe hurt hote hue nahi dekh sakte wese hi mein bhi tujhe hurt hote hue nahi dekh sakti…
Yaha khushi ka matter apne dad se toh sulajh gaya tha par pata nahi kal kya hone waala tha. Kal saare log jo padhaarne waale the. Koi bada hungama na ho jae. Yadi hungaama khada hua toh apno ke beech sambandh toh bigadenge hi saath hi saath aas pados me bhi pata chalne ka darr rahega. Samaaj ke beech toh thu thu ho jaegi fir sabhi ki. Iss baat se rahul aur uski partners ko bhale farq na pade par rahul ke family members ka kya? Unka toh uthna baithna hi samaaj me hai.
Raat ke 8 baj chuke the jab darwaaze par achaanak kisi ne dastak dii.
Rajesh naukri se ghar lauta tha aur apne ghar ki lights on dekh ke uske hosh hi udd gaye. Kahi koi chori toh nahi ho gayi?? Ghabraate hue wo andar ghusa toh saamne ka nazaara dekh stabdh reh gaya.
Rahul sofe par neha ke saath baitha hua tha. Nahi! Neha rahul se chipak kar uske kandhe par sar rakh kar baithi hui thi.
Bagal waale sofe par anshu vanshu baithi hui thi aur…aur 2 aur anjaan ladkiya ek single bed par baithi hui thi. Ye do anjaan ladkiya khushi aur preeti hi thi. Aur ek single sofe par taniya baithi hui thi.
Achaanak yu sabko dekh rajesh ki kuch samajh me nahi aaya.
Rajesh : arre! Tum sab?? Yaha aise achaanak? Kam se kam call toh kar dete ek… Mein itna ghabraa gaya tha. Mujhe laga ghar me chori vori toh nahi ho gayi…
Rahul : haha… Hum sabne socha kyu na aapko surprise de.
Bagal me baithi neha ne rajesh ko dekhte hi apni pakad rahul ke kapde par aur bhi kass lii.
Rajesh apna sar haa me hilaate hue neha ko ek nazar daalte hue jab andar jaane laga toh usse kitchen me tanisha nisha monica aur richa dikhayi dii. Itne saare logo ko ek saath ghar me dekh wo soch me pad gaya aur usne akhir puch hi liya,
“Nisha!? Tum sab kab aaye? Arre ek call toh kar deti? Rahul ki tabiyat toh ab bilkul theek lag rahi hai… Aur ye kon hai? Aur baahar wo do ladkiya kon hai?”
Nisha : arre aap gaye? Humne aapko isliye nahi bataaya kyuki socha kyu aapko pareshaan kare, mere paas extra key thi toh mein seedha sabhi ko ghar le aayi. Aur rahi baat ye sab kon hai toh saare sawaalo ka jawaab aapko kal mil jaega. Ab aap jaiiye, fresh hoiye aur khaana khaane baith jaaiye.
Rajesh ke sawaalo ka jawaab toh usse nahi mil saka par nisha ke according usse sab kuch kal pata lagne waala tha toh rajesh ne iss baat par fir zyaada gaur nahi kiya.
Baahar rahul neha ko hi dekh raha tha,
“Pareshaan ho?”, Rahul ne usse dekhte hue pucha.
“Darr lag raha hai”, neha ne halki sii awaaz me kaha.
Rahul : dad se?? Wo kuch nahi karenge…
“Unse nahi! Darr iss baat ka hai ki mein aapko kho na du”, neha ne apni nazre upar karte hue rahul ki aankho me dekha.
Rahul : paagal! Mein thodi kahi jaa raha hu. Tere bagerr mein khud kabhi reh sakta hu kya?
Neha ne gaur se rahul ki aankho me dekha jisme usse apne prati bas pyaar hi pyaar dikh raha tha, “I love you!!”
Aur neha wahi sofe par baithe baithe hi halka sa aage badhi aur rahul ke honth se apne honth jod dii aur 3 se 4 second baad hi waapas se apni jagah par aa gayi.
Iss choti si kiss se rahul ko bada hi accha laga par tabhi usse dhyaan aaya ki wo abhi hall me baitha hua hai aur jese hi usne nazre utha ke dekha toh…
Anshu vanshu unhe hi dekh rahi thi, taniya bhi ghoor rahi thi. Khushi aur preeti ki nazre bhi unn dono par gadi hui thi.
Khushi (mann me) : khushi! Don’t be jealous! Don’t be jealous! Rahul se dherr saari kisses tum baad me le lena par don’t be jealous. You must not lose khushi.
Vanshu : cutie! Control kar na! Dekh toh sahi hum kaha baithe hai
Rahul : huh? Wo mein…
Neha : didi? Aap bhai ko kyu bol rahi ho? Isme unki kya galti? Aapne dekha na…!? Mene hi initiate kiya tha. Bhai toh chup chaap baithe hue the. Toh aap unhe kyu bol rahi ho?
Vanshu : wo…wo…par wo toh bada hai na? Usse rokna chaahiye tha tumhe…
Neha : huh?? Bada hai toh ussi ki galti hai kya sab? Yahi hota chala aa raha hai. Sab usse bada samajh ke poora dosh uspe daalte aa rahe hai, shuru se yahi hota aa raha hai, uski galti nahi bhi rehti toh bhi uspe dosh daal diya jaata hai, aur bhai kuch bolta bhi nahi hai, sab apne upar le leta hai, bilkul jese abhi aapki kahi hui baat bhi apne upar le li jabki galti meri thi… Harr baar yahi…
Iss se pehle ki neha ki awaaz aur tezz hoti aur wo aage kuch kehti rahul usse kass ke apni baaho me jakad leta hai,
“Hey! Hey!! Calm down… Calm down gudiya! It’s okay! I’m fine! Don’t worry!”
Par neha ka dil uski baato se ubharne ki bajae ulta ro diya. Aur uski aankho se aasu nikal pade, “dekha aapne!? Didi!? He took all the blame himself. Isne aapko samjhaane ki bhi koshish nahi kii.. and now he’s saying he’s fine”
Rahul : arre!?? Gudiya! I’m really fine! It was just a kiss… Itna dukh manaane ki kya zaroorat? Aur vanshu dii ki baat sahi toh hai, mein bada hu, toh inn sab baato ka mujhe dhyaan rakhna chaahiye. Abhi hum hall me baithe hue hai, yadi dad abhi hume dekh lete toh kya hota?! Wese toh unhe kal pata chal hi jaega par abhi hum koi risk nahi le sakte na.
Neha : noooooo!!! Harr zimmedaari aapki nahi hai bhaiya… Why don’t you understand? Try to depend on me sometimes. Harr baar blame apne upar mat liya karo. Aisa karte karte hi aap aise bann gaye ho. Aapko ye sab normal lagne laga hai. But you don’t understand bhai… Ki aapse itna pyaar karne waali aapki ye gudiya… Jab aapko aise dekhti hai na… Toh boht dard hota hai. Mujhe boht bechaini hone lagti hai, I feel so uncomfortable… Aisa lagta hai maano mere khud ke saath ho raha ho, I feel so bad… It’s the worst. Wo feeling… Mein shabdo me nahi bata sakti bhai… Par aapko aise nahi dekh sakti. Please! Promise me, from next time you won’t do this.
Rahul : accha baba! I promise! Okay?? Ab toh muskura de…
Neha muskuraate hue rahul ke firse gale lag jaati hai. Tabhi rahul ko apni dusri side bhi aisa feel hota hai jese kisi ne usse hug kiya hai. Dekhta hai toh paata hai ki ye taniya thi,
Taniya : neha is right! I feel the same. Aur lagta hai, jaane anjaane me kayi baar hum hi rahul ko chot pohcha dete hai. Par aage se mein aisa bilkul nahi hone dungi. I promise you rahul! I’ll be your shield. Depend on me too…
Rahul : taniya…
Tabhi sabhi ke kaano me kisi ki sisakne ki awaaz padti hai, ye vanshu thi jo ro rahi thi
“I’m sorry! I’m so sorry! Cutie! Jis cheez se tujhe bachaate aa rahe the, mene bhi wahi kar diya… I’m so sorry! I shouldn’t have blamed you”
Rahul : arre… please dii! Roiye mat. Aap log kuch zyaada hi soch rahe ho. It’s just a simple matter. There’s nothing so…
Anshu : nahi bhai! Ye chota matter nahi hai! Ye boht sochne waala matter hai. I think vanshu dii yaha par galat thi… But koi baat nahi! Now she understands… Right dii?
Vanshu : hmmmm
“Garma garam dinner ready hai!! Chaliye sabhi haath dho lijiye aur dining table par baith jaiye…” Tanisha ki aati hui awaaz se sabhi jese jaage aur apni apni jagah se uth gaye dinner ke liye.
Dinner ke baad ye raat toh yu hi guzar gayi, par raat bhar rajesh ko chorr kar kisi ko bhi acche se neend nahi aayi. Aati bhi kese? Kal ko lekar sabhi ko itni chinta jo thi. Kal ya toh ye tufaan thamega ya toh sabko baha ke le jaega aur sab kuch tehes mehes kar dega. Par rahul ko abhi bhi ek aas thi. Ek plan tha asal me. Wo yadi tufaan ko rok nahi sakta toh uska rukh toh badal hi sakta hai na?
.
.
.
.
.
.
.
.
.
Dhanyawad guys!!