Update – 99
priya bed par baith gayi aur neeraj bilkul uske samne baitha … Dono ke chehare ke bhaav alag the .. Priya thodi si pareshan aur ghabarayi hui lag rahi thi aur neeraj thoda shant aur gambhir tha…
Neeraj – dikhao is dairy me kaha likha hai ki shivam ko marne wale the?
Neeraj ne priya ko diary dete hue pucha
priya ne diary li aur fir usne wo page dikhaya jaha likha tha ki
wo log shivam ke sath kuch bhi kar sakte the aur isase mujhe koi problem nahi hogi kyuki me usase nafarat karata hu
Neeraj – aage padho …
Priya ne ekbaar neeraj ki taraf dekha
neeraj – aage padho priya
neeraj ke aise kehte hi priya ne diary me dekha aur fir aage padhana shuru kiya
“wo log shivam ke sath kuch bhi kar sakte the aur isase mujhe koi problem nahi hogi kyuki me usase nafart karta hu lekin fir bhi me nahi chahata hu ki shivam ke sath kuch jyada hi bura ho mujhe usase nafart hai jarur lekin wo mera dushman to nahi hai… Me use sabak sikhana chahta hu kyuki wo meri priya ko mujhse chin raha hai bas isase jyada kuch nahi Aur isliye Maine hotel ke cctvs ki demand ki aur wo unhe maanani padi kyuki agar wo aisa nahi karte to me shivam ko waha jane se rok sakta tha .. Unhone mujhe sare cctvs ka access diya sivaay ek room ke jaha vishakha aur maalti thi ..“
priya ne vaha tak padha hi tha ki neeraj ne diary ko chin liya …
Priya – to … to …agar fir bhi unhone shivam ke sath kuch kiya hota to …
Neeraj – wo nahi kar sakte the ..
Priya – kyu?
Neeraj – kyu ki Alok yaha mumbai me admit hai .. Aur maalti ko ache se pata tha ki uske sath kya ho sakta hai ..
Priya – matlab aap alok ko?
Neeraj – nahi … Ye bas unko darane ke liye maine kaha tha .. taa ki wo shivam ke sath kuch jyada bura na kar sake bas yahi deal hui thi humari .. Mujhe sach me pata nahi tha ki vishakha ke sath wo log kya karnewale hai .. Mujhe samjhna chahiye tha ki uske sath kya ho sakta hai lekin me bas shivam ko sabak sikhana chahata tha kyuki wo tumhare bahot karib hai .. Lekin fir baad me maine jab maine tumhe uske liye itna tadapata dekha to mujhe realize ho gaya ki me galat kar raha hu … Aisa karne se me shivam ko tumse dur nahi kar sakta … Me bura nahi hu priya … Lekin tumhari chahat ne mujhe iskadar bura bana diya hai … Ki me sabki najar me gir chuka hu ….
Neeraj ki aankhe bhar gayi usne apna chehara dusari taraf ghumaya … Priya ko uske baato me sachai najar aane lagi .. Wo kuch der shant rahi … Use ye sab sunkar bahot bura to laga lekin wo neeraj ke feelings ko ab samjh pa rahi thi ..kuch sochkar agle hi pal usne neeraj ke kandhe par apna haath rakha to Neeraj ne palatkar uski taraf dekha
priya – mujhe aapse koi gila nahi hai… Hum pehle ki tarah reh sakte hai
neeraj – nahi bilkul nahi …. Agar hum pehle jaise rahenge to firse me tumhare hi baare me sochne lagunga … Fir me tumko pareshan karunga … Shivam se nafart karne lagunga .. Me apne aaap ko sambhal nahi pata hu … Tum mujhse baat nahi karti ho na yahi acha hai … Hum aise hi rahenge thik hai … Thik hai na
priya puri confuse hokar neeraj ki taraf dekh rahi thi …
neeraj – priya … Tum chijo ko aasan bana sakti ho … bas tumhe mujse rishta tod dena hai … aur Tum shivam se bahot pyar karti ho pata hai mujhe … tum dono ki jodi bhi achi lagti hai … mujhe pata hai filhal tum usase baat nahi kar rahi aur uska kaaran bhi me janta hu …
Neeraj ke aise kehte hi priya ke chehare ke bhaav badal gaye .. Usne kuch sawalbhare najar se uski taraf dekha..
Neeraj – tum us din vishakha ke room se nikali … Tumhare chehara udas tha .. Tum ro rahi thi …Tum vaha ruki nahi ghar se sidhe bahar nikal gayi .. Baad me usi kamare se shivam bahar aaya tha … Me samjh sakta hu ki tumne vaha kya dekha hoga…
priya chauk gayi … neeraj uski taraf hi dekh kar keh raha tha.. Priya ki ankhe bhar aayi…
neeraj – Actully maine bhi dekha hai jab shivam aur vishakha dono us hotel me sath the… Lekin fir bhi priya .. Fir bhi me chahta hu ki tum shivam se baat karo … Kyuki wo tumhare sath cheat nahi kar raha aise mujhe lagta hai … Kya wo vishakha se shadi kr sakta hai … Nahi na fir?
Priya – aap ye kya bol rahe ho?
Neeraj – sach bol raha hu .. Aisi feeling aana aam baat hai … Agar humare bich aisa rishta devlop ho jaata to kya tum shivam ko chorti ?
Neeraj ke aise kehne par priya ekdam se chup ho gayi ….neeraj ko nahi pata tha ki wo kya soch rahi hai … lekin asal me priya blank thi puri blank … neeraj ne uske haat par apna haat rakha
neeraj – tum nahi chorti .. tum hi soch lo shivam agar tumse scha wala pyar nahi karta to tumse baat karne ke liye itna tarsta nahi … Wo kyu tumhare liye itna parehan hai jab ki uske paas vishakha hai …
Neeraj ki baate priya ke man par asar kar rahi thi … Neeraj hi tha jo chahta tha ki priya aur shivam alag ho aur ab wo hi hai jo priya ke man me bigdi hui shivam ke image ko sahi karne ki koshish kar raha tha .. Wo guilt me tha .. Aur ab unko uski galtiyaan sudharni thi .. Isme uska ye loss ho sakta tha ki priya ko use bhul jana pad sakta tha lekin ab wo iske bare me nahi soch raha tha
neeraj – tum time lo .. Aur fir decision lo ..
itna kehkar neeraj waha se nikal to gaya lekin priya ko usne ek uljhan me chorh rakha tha abhi tak wo neeraj shivam aur vishakha ko galat keh rahi thi lekin achank se use lagne laga ki isme unki koi galti nahi hai… Kya insan apne feelings par control kar sakta hai ? Nahi .. Bilkul nahi kyuki Agar aisa hota to mujh jaise ladki ko to shivam se bhi pyar nahi hua hota… Aur pyar to kiya nahi jata wo ho jata hai vaise hi jaise mujhe aur shivam ko ekdusare se hua …Jaise vishakha ko shivam se hua hoga.. neeraj bhaiya ko mujhse hua hoga .. To me in sabse alag hu kya? Nahi … Kyuki Agar me alag hoti to us din neeraj bhaiya ko apne itna karib aane par maine unhe kyu nahi roka ? Wo diary padhte wakt mere hotho par smile kyu aa rahi thi .. Neeraj bhaiya ke emotios padh ne pr dil kyu bhar raha tha …is liye Shayad isliye kyuki mere andar bhi us pyar ki feeling hai aur agar pyar sacha ho to kya fark padta hai ki tum kon ho? Wo kon hai ? aur tumhara rishta kya hai….?
Kuch kuch ab priya neeraj ki tarah feel karne lagi thi … Neeraj ne usase jo bhi baat ki thi uska asar to uske dil pe ho gaya tha aur ab wo usike tarah soch rahi thi .. Usne apni ankhe band ki aur uske samne wahi scene aa gaya jab neeraj ne uske hotho ko apne hotho se touch kiya tha .. Uske chehare par smile aa gayi …
Wo aise hi bedpar padi rahi…
To be contiue….
