Update – 97
vishakha ab risksha se utar gayi … Usne dekha shoping mall ke bilkul samne wo dono khade the … Wo samjh nahi paa rahi thi ki Raj ke man me kya chal raha hai … Usne hairani ke sath raj ki taraf dekha .. Raj use hi dekh muskurah raha tha usne vishakha ka haat pakada aur fir wo use mall ke ander le aaya
vishakha – bhaiya … Hum yaha kyu aaye hai ….? Hume ghar chalna chahiye bahot late ho gaya hai…
Raj – Bas kuch hi der ….
Raj ne yaha vaha dekha aur fir wo vishakha ka haat pakad kar ek shop ke ander aaya … Wo ek ladies dress material shop tha… Shop me ander aane ke baad raj ka chehara aur khil gaya … Vishakha abhi bhi thodi shock thi … Usne ekbaar shop me har taraf dekha aur fir wo raj ki taraf dekhne lagi..
Raj – me tumhe gift dena chahta hu…
Vishakha – mujhe … Par kyu?
Raj – kyuki mujhe laga… dena hai bas
Itna kehkar wo dono counter ki taraf aa gaye
man – hello sir .. Madam … Boliye kya dikhau ..
Vishakha kuch bol nahi paa rahi thi …
Raj – amm .. Sareee .. Sareee dikha do inke liye
Raj ne kaha
Man – Okey sir … Konse type me?
Raj – Wo madam se puch lo … Vishu pls bata do ….
Vishakha – bhaiya … Iski koi jarurat nahi hai
Raj – bilkul hai … Ammm suniye … Wo jo samne rakhi hai usme dikhayiye Red color …
Wo adami ab sareee dikhane laga … Aur fir kuch hi der me Raj ne vishakha ke liye 3-4 sareeya kharid li … Bill chuka kar dono bahar aagaye aur fir auto pakadkar ghar pahunch gaye …
Rat ke 9.30 ho chuke the jab wo dono ghar aaye … Ashu ne hi un dono ke liye darvaja khola aur fir dono andar aa gaye… Ashu ne Vishakha ke haat me saree ki thailiya dekhi ..
Ashu – wah shopping karne gaye the aap log? kya baat hai..
Vishakha – bhaiya ne kara di ..
vishakha haste hue boli aur wo apne room me jaane lagi
Raj – vishu .. Ise bhi le jao …
Apne room me jaane wali vishakha ke haat me Raj ne saree ki ek thaili de di … Aur wo apne room me chala aaya …. Ashu bhi haat me paani ka glass liye room me aa gayi
Ashu – kya baat hai? Aaj ekdam se shopping ka mood?
Raj – ha .. Vishakha ke liye kuch naye kapde lene the .. office me aane jane ke liye
Ashu – aur mere liye? …. Mere liye kuch laaye ho?
Raj thoda ruka
Raj – tumhare liye? … Nahi …
Raj ne bade silently jawab diya aur wo ankhe band karke baith gaya … Ashu ka chehara thoda murjhaya … Wo kuch nahi boli … Achanak se koi darvaje pe khada use mehsus hua .. Usne dekha vishakha thi …
Vishakha – bhabhi … Jara aayengi mere kamare me…
Vishakha ne aise kehte hi ashu ab uske sath uske room
me aa gayi … Vishakha ne ashu ka murjhaya hua chehara dekha …
vishakha – kya baat hai? Kuch jhagda hua hai kya aap dono me…
Ashu – nahi to … Kuch bhi nahi hua hai ….
Vishakha – thik he … Suniye … Ye chaar sadiya hai … Ye 2 ya 3 aaap rakh lijiye
ashu – Are nahi … Ye tumhari hai
vishakha – nahi bhabhi …. Bhaiya mere liye itni sadiyaan kyu kharidenge.. I am sure Ye aapke liye hi hai … Shayad aapse kuch naraz lag rahe hai isliye mujhe di hogi..
Ashu – nahi vishu .. Agar unko mujhe deni hai to wo khud de denge .. Ise tu hi rakh thik hai ….
Ashu ne bade pyar se vishakha ke chehare par haat ferate hue kaha…
Vishakha – lekin bhabhi … Acha thik hai …ek to rakhiye
Ashu – nahi bola na … Chal ab fresh ho ja … Dinner ka wakt ho gaya hai …
Itna kehkar ashu waha se nikal kar kitchen me aa gayi … Vishakha mayus hokar bas use jaate hue dekh rahi thi …Raj ab hall me aakar baith gaya tha …
Dusari taraf priya lata aur neeraj dinner ke liye baithe the. .. Neeraj kuch pareshan sa lag raha tha … Lata un dono ko khana parosne me vyast thi .. Priya bar bar neeraj ki taraf dekh rahi thi … Lekin neeraj ka uspar dhyan nahi tha … Plate me sara khana parosne ke baad bhi jab neeraj ka dhyan plate par nahi raha to lata ne pucha
lata – kya hua beta? … Khana kyu nahi kha rahe ho?
Neeraj – aaa.. Bua wo meri … Wo meri ek diary nahi mil rahi hai .. Apane dekhi hai kya ?
Lata – diary …? Nahi to … Kaha rakhi thi?
Neeraj – mere room me hi thi … Ab nahi hai …
Lata – Priya ? Tumne dekhi hai?
Priya – aaa.. Nahi …
Priya thodasa atakate hue hi boli
lata – koi baat nahi …me dhudti hu baad me … Abhi khana kha lo ….
Priya ke muh se jhut nikal gaya kyuki abhi wo diary neeraj ko lautana nahi chahati thi … abhi use aur padhana baki tha… Wo chup rahi …
Yaha dusari taraf khana khakar ab Raj apne room me wapas aa gaya … Vishakha aur ashu kitchen me kuch kam kar rahi thi … Raj aakar bed par baith gaya .. Lekin achanak se usaki najar samne table ki taraf padi jaha ek thaili rakhi thi … Wo uthkar waha gaya .. Usne dekha ki wo red color ki saree ki bag thi jo usne vishakha ke liye kharidi thi … Use gussa aa gaya … Usne gusse me hi Ashu ko aawaj di … Raj ke aawaj dene se ashu ab room me aa gayi … Wo thodi hairan thi kyuki raj ke chehare par use gussa dikh raha tha …
Ashu – kya hua?
Raj – ye kya hai? Ye tumhare paas kya kar rahi hai … Ise maine tumhare liye nahi laya hai samjh gayi …
Ashu ne Raj ke haat me pakdi saree ki taraf dekha aur wo boli
Ashu – mujhe nahi pata … Ye yaha kaise …. Sach me
Raj – dekho tumhe chahiye to me dusari lakar dunga lekin jo chij tumhare liye nahi hai wo kyu le rahi ho …
Vishakha – bhaiya … Maine di hai wo saree bhabhi ko ..
Room ke andar vishakha ne aate hue kaha …
Raj – vishu … Ye maine tumhare liye kharidi hai … Agar ashu ko chahiye to me use dusari le aaunga
vishakha – le aayiye .. Lekin ye bhi unhe hi rehne dijiye
Raj – nahi … Bilkul nahi …
Vishakha – to fir mujhe bhi nahi chahiye bhaiya …
Raj – vishu … (Raj chillate hue bola)
use vishakha ke upar chillate he hue dekh ashu aur vishakha bhi hairan ho gayi
Ashu – Thik hai .. thik hai vishu ….. Tum ye saree le jao …pls mujhe nahi chahiye …mere paas already hai bahotsi … Raj aap shant ho jayiye
Vishakha – par bhabhi … aap kyu?
Ashu – vishu .. plz
vishakha aage kuch kehati isase pehle Ashu ne use roka…Vishakha ne dono ki taraf ek bar dekha aur fir wo saree lekar waha se nikal gayi… Raj bed par aakar baith gaya … aur fir kuch der baad ashu uske side me aakar let gayi … dono chup the .. ashu ne nirchi najar se Raj ki taraf dekha bhi lekin Raj use nahi dekh raha tha .. wo bas baitha tha …
Ashu – so jayiye .. subah jaldi uthna hota hai na …
Ashu ne aise kehte hi raj ne light off kar di aur ab wo let gaya …
To be continue
