update – 88
Aman car lekar clg ke yaha pahuch gaya lekin use waha par kriti nahi dikhi .. wo tention me aa gaya .. kyuki wo kriti ko raste me phone karte hue aaya tha lekin wo switched off lag raha tha .. clg ke ander enquiry karne se bhi jab use kuch pata nahi chala to uski tention bahot jyada badhne lagi .. achanak uska mobile baja usne dekha ki unke hi bunglow ka landline number tha .. Aman ne turant phone uthaya aur fir jab samne se kriti ka aawaz uske kaan par padi to usko rahat mili ..
Kriti – hello .. bhaiya ..
Aman – Oh thank god .. Tum thik ho.. me to dar hi gaya tha ..
Kriti – kaha ho aap
Aman – me kisi se milne gaya tha. . Mujhe idea nahi tha tumhara class jaldi chutega ..i am sorry kriti really very sorry .. Me aa raha hu ghar aa raha hu
kriti – hmm
kriti ne bas itna hi kaha aur phone rakh diya ..
dusri taraf neeraj apne room me baithe kuch soch raha tha .. uski ankhe band thi par uske dimag me bahot kuch chal raha tha .. achanak se priya ko kya hua tha? ab tak to wo gussa thi mujhpar lekin jab shivam ne mera gala pakda to wo shivam par bhadak gayi itni ki usne breakup tak ka bola use? aur fir uske samne hi mera haat pakad kar wo mujhe ghar ke bahar le aayi ..? yani priya ke dil me abhi mere liye wo pyar hai jo pehle tha .. Aise Wo man me soch raha tha.. Use laga ki priya use puri tarikse se khudse tod nahi rahi thi .. Ye uske liye positive sign tha lekin fir ghar aane ke baad usne neeraj se jara bhi bhi baat nahi ki thi ..aisa kyu? Wo priya ke behaviour ko samjh nahi pa raha tha.. kya agar wo baat karega to priya usase bat karegi? use nahi pata tha lekin wo chahata tha ki ekbar priya se baat kare ..
usne apni ankhe kholi aur fir bed se utarkar wo bahar aaya ..usne ekbaar priya ke room ki taraf dekha aur fir uske kadam priya ke room ki taraf badhane lage …. Wo room tak aa gaya usne ander jhank ke dekha bhi lekin priya use nahi dikhi .. ab wo thoda aur ander aaya .. usne dekha samne gallary me priya khadi thi .. wo ruka .. use samjh nahi aa raha tha wo kya kare .. Aage jakar baat kare ya fir wapas laut jaye lekin ab jab itni himmat ki hai to thodi aur kyu nahi usne man me socha aur fir himmat kar ke wo aage bada ..
neeraj – Hello ..
priya ke side me kuch dur khade rehkar neeraj ne pucha .. priya ne ekbaar ustaraf dekha bhi aur fir apna muh dusari taraf ghuma liya ..
priya – Ap kyu aaye ho? kya kam hai?
uski aawaj me narazgi abhi bhi kayam thi..
neeraj – kuch nahi .. me to bas tumse baat
neeraj ki baat puri bhi nahi hui thi ki priya uske taraf mud gayi
priya – jarurat nahi hai .. Maine kaha tha na mujhe aapse koi baat nahi karni
Neeraj – lekin priya meri baat ..
priya – Jao yaha se plz ..
priya ne firse se neeraj ki baat ko bichme kantate hue bola .. ab neeraj ko bhi gussa aane laga ..
Neeraj – tum mujhe mauka bhi nahi de rahi ho
priya – Aap us layak nahi ho
priya ki is baat ka neeraj ko bada gussa aaya wo gusse me hi use bolne laga
neeraj – Thik hai .. mujhe pata hai tum ye sab kyu kar rahi ho .. kyuki tumhe me pasand nahi hu na .. thik hai priya .. koi baat nahi .. Me tumhe tang nahi karunga .. Ab Fir Tumse baat karne nahi aaunga .. Tum samne se bhi aaogi to bhi nahi ..
Neeraj ne gusse me kaha aur wo Ab priya ke room se bahar aaya .. Neeraj ko priya ke room se gusse se nikalte thodi dur khadi lata ne dekh liya ..usne samne dekha lata khadi thi ..
lata ne dono ki baate suni to nahi thi lekin neeraj ka istarah priya ke room se nikalana use ajib laga aur wo ab aur jyada pareshan ho gayi … use pehale se hi neeraj aur priya dono ki fikr ho rahi thi .. Wo nahi jaanti thi dono ke life me kya problems chal rahi hai aur dono ko kuch puchne ke baad bhi unhone use kuch nahi bataya tha.. wo apne room me chali aayi .. usne apna mobile uthaya aur fir kuch sochkar rahul ko phone kiya ..
Rahul office me tha lekin lata ka phone dekh usne uthaya
Rahul – ha chachi bolo na
Lata – Rahul … kaha ho beta
Rahul – office me hu chachi …
Lata – Beta mujhe to ghar me koi kuch nahi batata ..na neeraj aur naa hi priya .. tuze kuch pata hai kya?
Rahul – kis bare me?
lata – priya aur neeraj dono me kuch problem hai .. Aaaj subah ranjana ke bete shivam se bhi priya ne shayad se jagda kiya .. muje ye sab koi choti moti baat nahi lag rahi kyuki Neeraj us din sucide karne ja raha tha ..
Rahul – kya?
lata ki baate sunkar Rahul chauk gaya .. priya neeraj se naaraz kyu hai iska karan wo janta tha kyuki neeraj ne shivam ke sath dhoka kiya tha aur is baat ka use bhi gussa tha .. lekin priya ne shivam se jhagada kyu kiya? aur fir Neeraj ne suicide .. ?
wo man me hi soch raha tha
Lata – sun rahe ho na rahul?
Rahul – Ha chachi .. Me aaj sham ko ghar aata hu
itna kehakar rahul ne phone cut kiya
Yaha dusari taraf Aman ghar pe aya tha wo sidha daudte hue kriti ke room me aa gaya usne dekha kriti so rahi thi .. uska chehara bilkul bhi fresh nahi lag raha tha .. aankho ka kajal thoda yaha vaha faila tha .. chehare par shikan thi .. usne apni dress bhi change nahi ki thi .. baal bhi halkese bikhare hue lag rahe the .. wo uske paas aa gaya aur uske side me baith gaya .. pyar se usne kriti ke maathe par apna haat rakha to use ehsaas hua ki use bahot hi jyada bukhar hai .. achanak se kya ho gaya? use nahi pata tha lekin wo chinta me pad gaya room se bahar aate hue usne jyoti ko aawaz di
Aman – Jyoti ..
Jyoti – ji chote malik …
Aman – Raghu se kaho doctor mathur ko yaha le aaye .. kriti ko tez bukhar hai
itna kehkar wo ander kriti ke room me aa gaya ab kriti ki ankhe khuli thi aur wo bedpar uthkar baith gayi thi ..
Aman – Are tum aram karo .. let jao .. bahot taz bukhar hai tumhe
Kriti – Nahi bhaiya .. thik hai .. aap aye ho na ab aaram ho jayega
aage badhakar aman ne uske forehead pe kiss kiya aur fir uska haat apne haat me liye uske side baith gaya ..
Aman – I am sorry …
Kriti – kaha gaye the aap bhaiya..
Aman – kaam ke liye kisise milne gaya tha .. maine socha tha tumhara clg chhutne se pehle me aa jaunga … lekin tumne phone kyu nahi kiya? aur tumhara mobile bhi swithched off tha ..
kriti – mera mobile nahi hai mere paas …apko pata hai vaha kya hua? kuch ladko ne bahot pareshan kiya mujhe .. mujhe bahot dar lag raha tha ..
Aman – kon the wo ladke ?
Kriti – clg ke hi students the
Aman ko ab gussa aane laga
Aman – maine kaha tha na wo clg tumhare liye nahi hai .. ab tum fir us clg me nahi jaogi .. un ladko ka kya karna hai me dekhta hu
kriti shant ho gayi ..
Aman – tum ghar kaise aa gayi? kya tumne ghar pe call karke raghu ko waha bulaya tha?
kriti – nahi .. ek ladka tha jisne mujhe un ladko se bachaya .. usike mobile se maine apko phone kiya tha .. lekin aapne uthaya nahi ..usine mujhe ghar tak chorha ..
Aman ko yaad aaya ki ek call aya to tha lekin wo shekhar ke sath meeting me tha to usne wo nahi uthaya .. Aman ne fir ek baar kriti ko sorry bola
aur fir kuch der me doctor ko lekar raghu aa gaya .. doctor ne kriti ko check kiya ..
doctor – Bukhar to tez hai … lekin dont worry ..me injection deta hu kuch der me aaram ho jayega .. kuch dawa bhi likh deta hu bas le aana
doctor ne itna kehkar Kriti ko injection de diya …
doctor – Kuch der gehari nind aayegi lekin ghabarane ki koi baat nahi .. bukhar utar jayega ..
doctor ne muskurate hue kaha aur usne parchi par kuch dawa likhkar aman ko de diye .. Jise aman ne raghu ko lane kaha .. fir doctor waha se nikal gaye..
Injection ka asar hone se kriti ab dhire dhire aankh band kar so gayi .. Aman abhi bhi uske paas baitha tha ..
ekaek uska mobile baja .. usne dekha Mehra ka phone tha .. wo phone lekar kriti ke room se bahar aa gaya …usne phone ko pick kiya
Mehra – hey aman? where are you? mr mahajan se mile na?
Aman – Yes dad.. i dont think ki unhe is deal me kuch interest hai
aman ne us meeting ki sari bat bata di
Mehra – ok ..Thik hai no problem .. i will meet him at his office .. do one thing come to the office.. so i can go to meet Mr mahajan
Aman – hey dad dad .. i cant come to office today .. actully kriti has a high fever
Mehra – what?
Aman – yes dad .. doctor just abhi akar gaye ..
Mehra – Ok let her take some rest .. aur tum aajao office
Aman – but dad .. cant you postpone the meetings
Mehra – Aman …Jyoti is there to take care of kriti .. Pls understand work is more important . just tell jyoti ki wo kritika khayal rakhe aur tum office aao now..
itna kehkar mehra ne phone rakh diya ..
Aman – sala buddha .. baap hai ya saap
aman ne khud se hi kaha aur usne jyoti ko phir se aawaj di ..
Jyoti – ji chote malik
Aman – suno me office ja raha hu .. Kriti ka khayal rakhana .. abhi wo so rahi hai .. Lekin tum uske paas rehna
aman ne jyoti instructions diye wo ek bar kriti ke room me aaya . .. usne kriti ke forehead pe fir se kiss ki aur fir wo waha se nikal gaya
to be continue…
