Update – 68
Sham ke 5 baj rahe the…Ranjana hall me baithe tv dekh rahi thi. Baki sab log apne apne room me the.. achanak se uske mobile ki ringtone baji.. Usne dekha to lata ka phone tha..
Ranjana – Ha lata bol..
Lata – Kab aaye ladki dekhne
Ranjana – Tune baat ki kya?
Lata – ha aur sabhi ko vishakha bahot hi pasand aayi.. isliye to puch rahi hu ki kab aau ladki ka hat mangne..
Lata se ye khabar sunkar ranjana ke chehare pe khushi chalaki… Uske hoto par badi si smile aa gayi..
Lata – ab bol bhi kuch.
Ranjana – me inse aur vishu se dono se pehle baat karti hu..
Lata – acha thik hai.. maine rahul ki photo tere mobile pe bhej di hai.. vishakha ko dikha de
Ranjana ne phone cut kiya.. usne mobile check kiya to use lata ne send ki hui rahul ki photo mili…Usne ek bar rahul ki photo ke taraf smile karte hue dekha aur fir vishakha ko aavaj di.. uski aavaj se vishakha bhi ab hall me aa gayi ..
Vishakha – Ha maa .. avaj diya?
Ranjana – ha.. yaha baith to…
Ranjana ke kehne par Vishakha uske samne baith gayi..
Ranjana – Tere liye ladka dekha hai maine..
Vishakha – are maa .. aap fir se shuru ho gayi..
Ranjana – Kya fir se shuru ho gayi? Shadi nahi karni hai?
Vishakha – nahi..Karni..Plz aap ab dobara shadi ki bat na nikaliye
Ranjana – Lekin ladka to dekh sakti hai na?
Vishakha – jab shadi hi nahi karni to ladka dekh ke kya karungi maa?
Ranjana – me keh rahi hu na.. to dekh le..
Vishakha – Acha dikhao..
Ranjana ne ab vishakha ko Lata ne bheji hui Rahul ki photo dikhayi…Aur wo photo dekh vishakha bilkul bhi shock ho gayi.. Kyuki wo rahul ko janti thi..
Vishakha – Ye ladka hai?
Ranjana – ha.. kyu acha hai na?
Vishakha – acha to hai.. me janti hu ise..
Ranjana – acha? Fir to ye bahot hi achi baat hai.. tum janti ho ise to pata hi hoga iske bare tumhe
Vishakha – Maa iska matlab ye nahi ki me shadi karungi..
Itna kehkar vishakha apne room me chali gayi..
Ranjana – Are kya problem hai..? ..
Ranjana bhi uske piche jaate hue boli…hall me ab koi bhi nahi tha ..Achanak se mobile baj gaya Ranjana apna mobile hall me hi bhul gayi thi… Mobile ki 2-3 ring baji aur fir kisine mobile uthaya..Samne shekhar tha.
Shekhar – Ha ranju.. suno late ho jayega mujhe.. Subah bhi ho sakti hai. Office me kuch collegues ka accident hua hai.. aur ha mera mobile bhi swichoff ho jayega .. battery charge nahi hai.. tum sun rahi ho na….
Achanak se shekhar ke mobile ki battery low hone ke karan mobile switch off ho gaya….Jisne ranjana ka mobile liya tha wo usne vahi rakh diya…
Ranjana ke koshish ke bad bhi vishakha nahi mani to wo fir se hall me aa gayi.. usne socha ki shekhar ko to bata du. Usne shekhar ko phone kiya lekin mobile switch off aa raha tha.
Yaha dusri taraf ghar ke terrace par neeraj, rahul aur priya baithe the..
Priya – aise kaise mana kar diya vishakha di ne.. kya kami hai rahul bhaiya me
Rahul – Kuch aur bat hogi. Shayad wo kisi aur ko like karti ho
Neeraj – ha ye ho sakta hai..
Priya – lekin aap use bahot chahate hai na bhaiya
Rahul – sirf mere chahane se kuch nahi hota. Uski apni bhi to choice hai..
Neeraj – fir bhi bhaiya aap baat kyu nahi karte vishakha di se?
Rahul – ab kya baat karu me?
Priya – aap prapose karo unhe… Bata do apne dil ki baat
Rahul – use pata to hai..
Neeraj – ha lekin wo apne nahi bataya hai na..? Shayad baat ban jaaye.
Priya – ha banani hi chahiye .. agar aap dono ki shadi us ghar me nahi hui to me bhi nahi karungu shivam se shadi..
Rahul & neeraj – Pakka?
Priya – i mean .. sochungi.. dekhungi…
Rahul aur neeraj dono hasne lage
To be continue…
