UPDATE 45
.
.
meri aankh khuli to main kisi anjaani jagah par bed par leta hua tha aur mere sare badan par malham patti lagi hui thi thoda hilne dulne ki koshish ki to jaisa sara badan toot sa gaya dard ki ek bhayanak lahar mere pair se sir tak daud gai
main soch me pad gaya ki ye mujhe kya hua hai phir mujhe dhire dhire sab yaad aane laga ki kaise us lady ko bachane ke chakkar me meri ye halat hui hai, lekin is hisab se to mujhe hospital me hona chahiye tha lekin ye room hospital ka room to bilkul nahi lagta tha balki ye to kisi ka bedroom tha lekin abhi yahan koi aur maujud nahi tha jis-se main is bare me kuchh puchh pata sala aaj pahli baar achha ban-ne ki koshish ki to ye durgat ho gai jo log sach me achhe hote hai unke sath to pata nahi kya kya hota hoga
maine ghadi dekhi to 9 baj rahe the ab ye raat ke the ya din ke the mujhe samajh nahi aa raha tha kyonki room ki sabhi khidki darwaje band the waise mera andaaz tha ki ye raat ka hi time hoga kyonki mere sath jo ghatna hui thi wo dophar ke lagbhag 3 baje hui thi
tabhi mera dhyan diwaar ke paas lage hanger par gaya jahan mere kapde tange hue the jo maine aaj pahne the ‘to main abhi kya pahne hue hu’ ye khayal aate hi maine apna ek hath apne jism par firaya to pata laga ki is wakt main sirf chaddi pahne hue hu baki sharir par koi kapda nahi tha bas jagah jagah pattiya bandhi hui thi
ab main kya karu yahan to koi dikhai bhi nahi de raha hai maine apna gala khankhara aur aawaj lagai “koi hai…..”
lekin kisi ne bhi meri baat ka jawab nahi diya lekin ek baat achhi thi ki mujhe bolne me koi pareshani nahi ho rahi thi
maine phir aawaz lagai lekin is baar bhi koi reply nahi aaya to main samajh gaya ki shayad abhi aas-paas koi nahi hai aur main chupchap aankhe band karke let gaya
tabhi mujhe khayal aaya ki mere ghar walo ko meri is halat ke bare me malum hai ya nahi aur ghar ki yaad aate hi meri bechaini badh gai
“koi hai……” abki baar main jor se chillaya
turant to koi jawab nahi mila lekin kuchh seconds baad kisi ke room ki taraf aane ki aawaz aai to maine chain ki sans li
“to hosh aagaya tumhe…..” ek 24 – 25 saal ki khubsurat ladki andar aa kar mujhe dekh kar boli jo is wakt saree pahne hue thi
images-29b06e49a52c6d79b.jpg
“ma.. main kahan hu….” maine us-se puchha
“tum jahan bhi ho wo bahut safe jagah hai, waise tumhe pata to hai na ki tumhare sath kya hua tha” usne puchha
“haan ek lady ko gundo se bachane ke chakkar me un gundo ne meri pitaayi kar di thi, waise wo lady ab kaisi hai aur un gundo ka kya hua” maine puchha
“tumhari wajah se wo lady ab bilkul safe hai aur wo sabhi gunde jail me hai” usne bataya
“jaisi meri halat hai is wakt mujhe hospital me hona chahiye tha lekin ye jagah to hospital nahi lagti phir yahan mujhe kon laya aur tum kon ho” maine phir puchha
“pahle tum batao ki tumhara naam kya hai phir tumhe sab batati hu” wo boli
“mera naam ravi hai” maine bataya
“to suno ravi mera naam MINA hai jis lady ko tumne bachaya wo hamari madam aur is shahar ki ek badi business lady anju thakur hai aur main unki p.a. hu wo hi tumhe yahan layi hai, jab wo gunde tumhari pitaayi karne ke baad madam ko jabran apne sath le jane lage tabhi police wahan pahuch gayi aur un sabhi gundo ko pakad liya chunki tumne madam ki madad ki thi isliye madam ne police case me tumhara naam nahi aane diya aur tumhe yahan le kar aa gayi aur yahin tumhara treatment karwa diya kyonki tumhari chot koi jyada nahi thi bas 2 – 3 din me hi tum puri tarah thik ho jaoge, ye jagah hamare office me madam ka rest room hai tumhari bike bhi yahin parking me khadi hai” usne bataya
“ohh… waise mujhe yahan aaye hue kitna time hua hai aur mera mobile kahan hai” maine puchha
“ye sab aaj ki hi baat hai koi 6-7 ghante hue hai tumhe yahan laye hue aur ye hai tumhara mobile jise hamne turant hi switch off kar diya tha ki agar koi call aaye to jawab na dena pade” kahte hue usne apne hand bag se mera mobile nikal kar mujhe de diya
mobile milte hi pahle maine use on kiya aur sochne laga ki ab ghar par kya bolu ki main kahan hu kyonki main ghar par ye sab nahi bata sakta tha
“kya puri tarah thik hone tak main yahan rah sakta hu….” maine puchha
“rah sakte nahi rahna hi padega kyonki madam tumhe thik hue bina jane hi nahi degi” mina boli
ab maine dipa di ko call kiya kyonki 3 din ghar se bahar rahne ka bahana main dhundh chuka tha
“kahan hai ravi tu, kab se tujhe call kar rahi hu lekin tera phone switch off hi bata raha tha” dipa call pick karte hi boli
“di wo kya hai na ki pata nahi kaise mera mobile off ho gaya tha aur di abhi 2-3 din main ghar nahi aa paunga” main bola
“kyon… aur abhi kahan hai tu….” di ne puchha
“di mere ek dost ke bhai ka accident ho gaya hai jis wajah se main uske sath ****** city me aaya hu thoda police wagairah aur hospital ka lafda hai to mujhe dost ke sath yahin rukna padega tum mom ko bata dena ok” main bola
“tu bhi na…… chal thik hai main bata dungi mom ko” didi boli aur maine call cut kar di
“maine madam ko phone kar diya hai ki tumhe hosh aa gaya hai lekin wo subah hi aa payegi, main tumhare liye khana order kar deti hu aur kuchh bhi chahiye ho to bolo” mina boli
“aur to kuchh nahi bas 2-3 beer mil jaye to…..” main bola
“2-3 to tumhe hi lag jayegi phir mera kya hoga” wo muskurate hue boli
“tum bhi piyogi….” mere muh se nikla
“sirf piungi hi nahi tumhare sath khana bhi khaungi aur yahin rahungi bhi, tumhare thik hone tak madam ne meri duty tum par hi laga rakhi hai” mina boli
“ok phir bulao beer…… mera bhi mann laga rahega tumhare sath” main muskurate hue bola aur wo mobile par kisi ko order dene lagi…..
