Update 74
Police ka naam sun kar Riti aur Vasu ke to hosh he urr gaye…. “Police”…….
Teeno niche gayi, jaise he pahunchi to gate ke bahar Abhi tha, sath me ek police wala, jo inlogon ke pahunchte he bolne laga…. “Tum teeno me Sona kaun hai”
Sona apna hath upar karti…. Main hun, main hun sona…
Police wala… Ye lo talak ke paper sign karo, aur kal subah bagrang bali ke mandir ja kar shadi kar lena..
Vasu police wale ko ghurti hui…. Sir, aap ye kaise police wale ho..
Wo police wala thoda lajjate huye….. Ab mujhe achha nahi lagega khud ki tarif karne me, tumhi bata do main kaisa hun….
Vasu mann me sochti…. “Kis pagal khane se bhag kar aaya hai, aaj main in sab ke chakkar me rahi, to main bhi pagal he ho jaungi”… Phir uss police wale ko kahne lagi…
“Sir ye aap kya kah rahe ho, bajrang bali ke mandir me shadi, aap ka dimag to sahi hai na…. Aur ye ladka Abhi, ek number ka luccha, lafanga lofer hai, ye jabardasti kar raha hai Sona ke sath. Aur aap ko police me kisne join karwa diya, shadi se pahle bhi kabhi takaq hua hai kya”…
Police wala…. Mujhe kuchh na pata hai, paise do abhi jisko kahogi usse arrest kar lunga….
Abhi… Aap ja sakte hain, ye log niche aa gaye, yadi koi jaroorat hogi to call kar dunga…
Police wala wahan se chala gaya, aur uske jaye he Abhi… “Riti tumne achha nahi kiya, Sona ke sath… Sona ja ab tum se shadi bhi nahi karunga, kar le iss Riti se he shadi… Tu iske pass aayi hai na madad magne, ab yahi madad karegi.”..
Sona… Abhi, par mujhe bacche ke baap ka naam chahiye, ye to bacche ke do-do maa ho jayegi. Mera baccha jab bada hoga, aur log uus se puchhenge, ki tere baap ka naam kya hai, to kya jabaw dega…
Abhi…. Ohhh ! Ye to maine socha he nahi… To thik hai, pahle ye Riti mujh se I Love You kahegi phir main sochunga….
Riti… Bakwas band karo nahi to main tumhara khun kar dungi… Main nahi bolti tumhe Kuchh bhi, jo bhi nipatna hai wo aapas me nipto, mera tumhara koi wasta nahi.
Sona jor-jor se hasti hui…… So sorry dear….. Mujhe manph kar do, kal jo hua wo sirf mazak tha jo main kar rahi thi, itna to jhoot boli thi, phir bhi tum logon ko meri baat par yakin ho gaya….
Vasu…. Ab ye kya naya natak hai, Sona kya pagal kar ke he chhorogi.
Riti…. Vasu aap raho yahin, mera sir phata ja raha hai….
Itna kah kar Riti chal di apne kamre ki ore, tabhi pichhe se Abhi ne hath pakar liya, Riti apni kalaeyi chhurane ki kosis ki, par Abhi ke bal ke aage wo a-samrth thi. Abhi ne pahle Sona ki ore dekha, aur wo Vasu ko lekar side ho gayi…..
Vasu, Sona se…. Ye kya natak, tum dono ne laga rakha hai, agar Riti ke sath koi badtamiji ki to pura hostel yahan hoga. Abhi ko bolo uske liye yahi achha hoga ki, wo Riti ko padesan na kare.
Sona…. Kahan tum bhi mahajan ki baat se adesan ho Vasu.
Vasu, Sona ke muh se mahajan ka naam sun kar chauk gayi….. “Tumhe kaise pata mahajan ke bare me”.
Sona…. Ab bhi nahi sajhi, humlog crime branch se hain, aur wo jo Abhi saab hain wo hain SP, aur meri phuti kismat, meri duty unhi ke sath hai.
Vasu bulkul shocked hoti hui…. Kya ???????
Sona…. Ha ha ha ha… Tum kuchh jyada he shocked lag rahi ho.
Phir Sona ne apni I’D nikal kar Vasu ko dikhayi. Vasu inke kal ke drama aur ye log sahi me kya hai, jankar kaphi hairan thi, aur ullu jo bani uss par hans bhi rahi thi….
Idhar… Riti … Aur …. Abhi….
Abhi, Riti ka hath thame usse rok raha tha, aur Riti kaphi gusse me apna hath chhurane ki kosis kar rahi thi….
Riti, kaphi gusse me chilla uthi Abhi par…. “Hath chhori mera Abhi”……
Abhi…. Hath chhorne ke liye nahi thama hai Riti, ab to ye umr bhar ka sath hai….
Riti…. Main kahti hun haath chhoro mera Abhi, nahi to dekh lena main kuchh kar jaungi.
Abhi, Riti ke hath ko jhatka dekar, apni ore mor liya, aur uske kamar me hath dal kar… Gusse se bhare chehre par ungli firate huye….. “Haan to aap kya kuchh kar jane ka soch rahi hain”…
Riti kaphi gusse me…… Abhi ke abhi mere kamar se hath hatao, aur mujh se dur raho….
Abhi….. Thik hai main tumhe chhorta hun, par pahle tumhe ye batana hoga ki iss nafrat ki wajah kya hai, yadi wajah sahi hui, to main apni shakal kabhi nahi dikhaunga….
Abhi itna kah kar Riti ko chhor diya…. Wo abhi bhi kaphi gusse me lag rahi thi, do kadam dur hat’ti, Abhi se kahne lagi….. “Kisi se baat karne ka ye matlab nahi, ki uss se pyar ho, ya jivan ke safar me usse humsafar banaya jaye. Sidhe ek line ki baat hai, mujhe tum pasand nahi…
Abhi apna chhota sa muh banata hua, jaise ab ro padega…… “Thik hai Riti, jab pasand he nahi to baat he khtam, Sonaa… Sonaaa…. Chalo yahan se…
Sona, Abhi ki awaz sunkar Vasu se kahne lagi, “kal ke liye mujhe maph kar dena, aur ho sake to Riti ko bhi samjha dena.
Itna kah kar Sona, Abhi ke pass chali aayi, aur abhi apni roni surat liye chal diya wahan se. Kal se lekar aaj tak me pahli baar Riti apne sare khyalaat, uske sath huye sari ghatnao ko bhula kar, wo bas Abhi ko mayush jate dekh rahi thi. Dil me jaise ek ajib bechani si ho, gussa kab uske udasi me badla pata he nahi chala.
Vasu, Riti ke kandhe par hath rakhti….. Kya hua Riti, yun gumsum kis soch me dubi ho…
Riti, apne dhyan me he kah uthi… Wo mayus chale gaye, main roki tak nahi…
Vasu p, usse jor se hilati….. Ritiiiiiiiiii … Kya hua hai tumhe, uske bare me itna sab sach jan’ne ke baad bhi ussi ka favour kar rahi ho.
Riti gahri sans chhorti huyi…. Hmmm ! Vasu kya aap janti hain, kabhi-kabhi ye dil, sachai sun’ne ke baad bhi apni jid par arra rahta hai.
Vasu…. Main samjh sakti hun Riti, tumhari haalat, bhawar me phase uss naw ki tarah hai, jo na to pichhe kinare par ja sakta hai, aur na he aage…. Bas bich me phansa, sahi raah chun’ne ki kosis kar raha hai, aur usse kuchh samjh me nahi aa raha….
Riti…. Mujhe kuchh bhi achha nahi lag raha Vasu, ye kal se mere sath kya ho raha hai, mera to marne-marne jaisa dil karta hai.
Vasu…. Pagal kahin ki, aur ye chehre par tapkti motiyon jaise aanshu achhe nahi lagte, ab chalo achhe baby ki tarah smile karo, ya main yahan ansan par baitun…
Itna kah kar, Vasu wahin sadak par aasan jama kar baith gayi… Tap ki awastha me baith kar.. Aankh mund kar jor-jor se bar-barrane lagi……
“Muskurahat wapas aayo namhhh”
“Riti khush ho jayo namahhh”
“Riti ka dimag thik ho jaye namhhh”
Vasu ka ye act dekh kar Riti thodi muskura di, Vasu ka hath pakad kar, usse khadi ki, aur kaan pakad kar kahne lagi… “Itni nautanki aap kahan se sikhi”…
Vasu…. Tere pyar me janeman mujhe sab sikha diya. Tu kahe to main apne Anu ko chhor kar lasbo ban jaun tumhare sath. Phir main tum aur humari wo rangeen raten..
Riti…. Yakkk ! Chhi-chhi-chhi, mann bhitak gaya Vasu, aap bhi na… Chalen ya hume puri raat bahar rahna hai ….
Vasu… Haan haan chalo, waise bhi kamre me he to aaj raat ka maza hai…
Riti…. Aap aise baten karengi, to main aap ke sath room share nahi karne wali….
Dono, nok jhok ke sath badh chali, apni-apni baat kahte huye. Bahas chalta he ja raha tha.. Aur dono jaise he ander huyi … Riti chaukti huyi Vasu ke pichhe aa gayi… Jaise koi bhoot dekh liya ho ……..
