Update 73
Riti apne panpe pyar ka gala ghont’ti bilkul roti hui bistar me dubak gayi, Vasu ke pass to kuchh tha he nahi kahne ko, wo bas shant karane me lagi thi Riti ko. Idhar Abhi mann he mann ye soch kar uchhal raha tha, ki kal ke uske pyar ka izhar me kitne natak hone wale hain.
Raat bahut bhadi gujri thi Riti par. Ek din ke huye alag-alag do ghatnao ne, Riti ko jakjhor kar rakh diya tha. Ye kaisa samay tha jo purn virha aur tanha sa tha, jisme sama bilkul roya-roya sa tha. Khamosh tanhaeyan.
Aaj do logon par sitam hui, jahan Saily ko nasha ki lat nahi lagni chahiye thi, ek talab jise sudhara ja sakta tha .. Usse aadat me tabdil kar di Indu ne. Wahin jo baat bas ek mann me thi ussi ko Indu ne pahle hathiyar ki tarah Riti se kah di, “uske aur professor ke bich ki manghadant kahani”, wahin dusri ore jab padesan hokar Riti nikli to ek aur kand ho gaya.
Mayusi ka aalam chhaya tha, dil par bojh sa lag raha tha Riti ko, isliye wo college bhi nahi gayi, apne kamre me bas roti rahi.
Din ke class ke waqt ek unknown number se Vasu ke mobile par call aaya…. Vasu class me thi isliye pick nahi kar payi, par ring tone puri class ke samne baja. Pahli baar to professior ne bhi chhor diya, par Vasu phone ko silent na kar payi thi, turant dusra ring bhi hua…
Professior… This is not your room, switchh off your cell phone
Vasu par gurra kar uss professior ne dant diya, Vasu jaldi se apne mobile ko silent mod par ki, aur chup-chap class attend karne lagi. Riti ke na hone se usse bhi kuchh suna-suna lag raha tha, aakhirkaar class khatam kar ke wo wapas Riti ke pass jane ka sochi.
Par jaise he class se bahar aakar mobile chek ki, 55 miss calls, 40 sms. Vasu chinta me pad gayi, ye itte sare call, kahin koi emergency me to nahi phansa… Kahin Riti.. Ko…..
Vasu hadbada kar call back ki… Udhar se kisi ladki ka reply aaya….. “Pahchana mujhe, batao to main kaun”
Vasu ka para satwe aasman par, “kamini jaan pahchan ke liye phone ki kya…. “Pagal phone rakh, nahi to phone me ghus kar marungi”
Phir jab Riti ki chinta ho he gayi thi to Riti ko call lagayi…. Riti pick karte he… “Haan Vasu, kahiye”
Vasu… Nahi bas aise he phone ki thi, class me mann nahi lag raha tha to wapas aa rahi hun.
Riti… Main thik hun, aap class attend kar lijiye….
Vasu kuchh nahi boli, phone cut kar di, aur mann me char galiyan deti, phir uss ladki ko phone laga di… Kyonki Riti se baat karte waqt bhi uska phone lagatar aa raha tha…
Jaise he call pick hua… Vasu chillati hui …. Kamini, pagal, kamakal, haramkhor, jahil, bad-dimag, kyon padesan kar rahi hai, phone rakh.
Udhar se… Rukiye-rukiye, basss bhi kijiye nahi to, kaan se khun nikal aayega, main Sona bol rahi hun.
Vasu, chaukti hui… Mera number kahan se mila..
Sona… Abhi ke mobile me tha, usne apna call ki detaile sim compny walon se mangwaya aur ussi se ye number mila.
Vasu… Hmmm, kya kahna chah rahi hain, aur aise phone karne se janti hain, dimag me kitni baten aati hain.
Sona… Aani bhi chahiye, abhi main phone rakhti hun, Abhi aa jayega, baat bahut he jyada serious hai, main raat ko aap ke hostel ke bahar milungi thik 9 baje. Please aa jaeyega, nahi to anrth ho jayega.
Itna kah kar Sona ne phone cut kar diya. Wapas call lagayi to phone switch off. Vasu jab Riti ko ye baat batayi, to Riti aur jor-jor se rone lagi….
Vasu jab karan puchhi to, Riti roti hui apne biti jindgi ke uss physco ki ghtna ko ro-ro kar Vasu se kahne lagi. Apni biti jindgi ka ek kadwa sach bata di, iss baat se anjaan ki gate par khadi Indu sab sun rahi hai. Jab Vasu padesan ghar aayi to pichhe-pichhe Indu bhi aa gayi, inko padesan dekh kar maza lene.
Har pal chinta se bita, raat thik 9 baje Vasu aur Riti hostel ke bahar pahunchi, gate ke pass Sona pahle se khadi thi, Sona hadbadi me dono ka hath pakdi, aur kahi… “Chalo-chalo, ander jaldi, nahi to Abhi ne dekha liya to kyamat aa jayegi.
Teeno ghabraye kamre me pahunche…… Sab apni-apni jagah pakad liye. Tik-tik, ghari ke sueyon ki awaz, tej chal rahi sason ki awaz, khamosi aisi thi ki hawa ki sarsarati awaz bhi kano me suni ja sakti thi.
Riti aur Vasu bas Sona par he najren jamayi thi, aur sona thi ki aate he, pani ke bottol se pani pi, aur bistar par, sidhi hokar, apne dono bahen faila kar let gayi thi. 15 min bit gaye issi khamosi me, Riti aur Vasu bas intzar kar rahe the, sona kab relax ho aur puri baat bataye.
15 min bitne ke baad bhi jab koi harkat nahi hui, to Riti, Vasu ko isharon me Sona ko dekhne ke liye boli, aur Sona wo to aankhen munde bas pari thi. Vasu usse hila kar dekhi…. “Riti ye to so gayi”
Riti… Had hai, din se hum itne padesan hain aur ye yahan so gayi, jagao Vasu isse.
Vasu, Sona ko jor se hilayo…. Riti ye to kumbh karan ke nind me hai, ye iiti jaldi itni gahri nind me so kaise sakti hai.
Riti…. Ji to karta hai soye me iska gala daba dun, ruko isse main jagati hun.
Riti bhagti hui bathroom gayi, aadha balti pani utha le aayi, aur chhapak se urel di Sona ke upar. Chihuk kar uthi Sona, aur “bachao-bachao” chillati hui lipat gayi Vasu se…..
Vasu, Sona ko khud se dur karti… Hat bhi jao, koi nahi hai yahan par, aur tum itna ghabrayi kyon ho.
Sona… Wo… Woooo… Woo Abhi…
Riti… Haan Abhi, kya….
Sona…. Abhi mujh se talak chahta hai.
Sona ki baat sun kar, Riti aur Vasu apna sir khujane lagi…. Dono ek dusre ko dekhti, iski shadi kab ho gayi, jo ab talak ka mamla darj ho gaya, aur talak he chahiye to isme serious jaisa kya hai…
Riti gusse me…. Tum pagal to nahi hui, shadi kab ki aur talak chahiye to isme serious jaisa kya hai…
Ek dum se sona khadi ho gayi…. Ek pal ko to Riti aur Vasu bhi ghabra gayi, ki isse hua kya hai… Phir Sona kahna shuru ki…..
“Serious he to mamla hai na, abhi meri umr he kya hai, upar se bina shadi ke talak, main to bechlor divorcee ho gayi”
Vasu… Nikal, nikal yahan se, ullu samjh rakhi hai kya, aur ye natak kya laga rakha hai…..
Sona…. Sach he to kahi, Abhi mujh se shadi ke liye taiyar hai, lekin shart ye hai ki main pahle usse talak de dun, phir wo mujh se shadi karega….
Abhi itni he baten hui thi, ki watchman bhagta hua aaya upar…. Yahan Abhi ki biwi koi Sona hai kya..
Sona khushi se uchhlati hui… Haan-haan main he hun Abhi ki biwi, bataeye baat kya hai…
Vasu… Par shadi kab hui..
Sona… Arre shadi nahi hui to kya hua, suhaag-raat to ho gayi na, to hui na, main Abhi ki patni.
Watchman… Matlab wo sahi kah rahe the, teeno niche jao nahi to police aayegi tum teeno ko arrest karne.
Police ka naam sun kar Riti aur Vasu ke to hosh he urr gaye…. “Police”…….
