Update-176
Sab ne dhamaka expect kiya tha to un sab ki umeedo par pani ferta hua ye update
In news
Khushi- aaj hum apne channel ke madhyam se ek behad khatarnak insaan ki asliyat aapke samne lana chahte hai
Ye vaise to ek masoom sa student bana gumta hai lekin us masoom student ke piche kitna bada hathiyara hai vo aaj hum aap sab ko batayenge
Hum baat kar rahe hai Daksh chaudhary
Jee ha aapne sahi naam suna hai Daksh chaudhary jispar kuch dino pehle d company ke boss hone ki afvaha bhi uddi thi
Lekin esne apne paise aur power ke dum par har kisi ko khareed liya ya dara dhamka ke muh band kara diya
Aaj hum eske d company ke boss hone aur humare late cm ke murder karne ke pukta saboot pes karenge
Humare sath studio me mojjud hai
Aap log apna introduction dijiye aur bataye ki aap Daksh ko kaise jante ho aur vo kya hai
Arms dealer- jee mera naam abdul hai aur main Daksh chaudhary ke liye arms supply karta tha
Uski ek bahut badi gang hai jo sehar me hone wale har ek crime ke liye jimedar hai
Kuch samay pehle jo gang war hua tha jisme bahut sare gundo ki jaan gaye thi vo bhi esne hi karaya tha
Khushi- to aap bol rahe hai ki aap usse arms supply karte the?
Fir to aap bhi us crime ke equally bhagidaar hue?
Arms dealer- jee main manta hu
Lekin Daksh ne meri family ko kidnapp kar rakha tha aur usne mujhe dhamki di thi agar maine uska sath nahi diya to meri family ko maar dega
Lekin ek family ke liye pata nahi kitni families ki jaane gaye
Esliye main aaj yaha confess karne aaya hu aur mujhe jo saja milegi vo main bhugatne ke liye tayar hu
Khushi- besak aapko saja milegi
Lekin yaha sach bolne ke liye aur Daksh ka asli chehra sabke samne lane me jo aapne madad ki hai usse aapko thoda raham mile eske hum humare government se appeal karte hai
Khushi- chaliye hum apne dusre guest se aapko milvate hai
Hum suruvaat me leke chal rahe hai aap logo ko esliye suru karenge Daksh ke school teacher se
Khushi- hello ma’am
Welcome to our channel
Ma’am – thank you so much
Khushi- aap logo ko apna introduction dijiye aur bataye unhe ki aap Daksh ko kaise jante hai
Ma’am – mera naam ****** aur main Daksh ki school principal thi
Khushi- kya aap bata sakte hai Daksh school me kaisa ladka tha?
Ma’am – he is just brilliant
Aisa kuch nahi tha jo Daksh chaudhary nahi kar sakta tha
Na jane uske naam kitne gold medals the aur kitni hi trophies usne jeete the
Daksh apni jindagi me kabhi hara nahi
Kabhi nahi
He is one of a kind
Uske jaisa na maine kabhi apni life me dekha aur na main sayad kabhi dekh paungi
Khushi- aap bataye uska behavior kaisa tha?
Ma’am – he was arrogant and very short tempered student
Usse gussa bahut aata tha aur har roj kisi na kisi se uski ladae hoti rahti thi
Khushi- eske koe khas vajah?
Ma’am – family
Uske family me kuch problems thi aur usse milne koe nahi aata tha
Vo ganto school gates par khada rahta tha aur ganto telephone booth par
Lekin na kabhi koe usse milne aaya aur na kabhi kisi ne usko phone kiya
Ek do baar usne kiya tab kisi ne attend jarur kiya tha lekin kabhi jada baat nahi hue
Khushi- aap uski family ko jante ho?
Ma’am – jee nahi
Jaisa maine bataya ki usse milne kabhi koe nahi aaya aur na kisi ne uske bare me inquiry ki
Khushi- aisa kuch unusual uske behavior me?
Ma’am – vo humesha kisi revenge ki baat karta rahta tha
Jab bhi main usse baat karti vo sirf yehi bolta tha ki ma’am dard bahut hai aur khatam sirf badle se hi hoga
Khushi- aapko pata hai vo kis badle ki baat kar raha tha aur kisse lena tha usse badla?
Ma’am – jee nahinahi
Usne kabhi ye nahi bataya
Lekin vo humesha yehi bolta rahta tha
Aisa lagta tha jaise bahut dard bhara hai uske dil me
Kuch Hua tha uske sath jisne usko bilkul badal diya
Kyuki jab vo pehle baar humare school me aaya tha tab vo bahut shant ladka tha matlab vo humesha hi shant rahta tha lekin pehle vo kisi ko kuch galat nahi bolta tha na kisi se ladae jhagde karta tha
Usme ek jhatke me badlav aaya tha aur vo badlav bahut bhahankar tha
Khushi- uske koe dost vagra?
Ma’am – uska sirf ek hi dost tha
Naam lena sahi nahi hoga but vo Daksh se kafi mature tha lekin Daksh ke bahut kareeb tha
Jab jab Daksh ne kuch Kiya vo humesha Daksh ke piche hi khada raha
He was a good kid
Lekin school ke baad maine kabhi usse dekha nahi
Pata nahi vo kaha chala gaya
Khushi- humne suna hai Daksh ki ek girlfriend bhi thi school me jisse vo bahut pyaar karta tha
Ma’am – dekhiye ye sirf ek rumours thi
Agar ek ladka aur ladki has ke baat kar lete hai to log hazaro baatein banana suru kar dete hai
Khushi- lekin eske humare pass pakke saboot hai
Ma’am – mujhe es bare me kuch nahi pata aur agar uski koe dost thi bhi to main uske bare me koe baat nahi karna chahti
Khushi- aapko kya lagta hai jo Daksh par allegation lagaye gaye hai vo sach hai?
Kya Daksh aisa kuch kar sakta hai?
Ma’am – dekhiye insaan ki majburiya aur uska dard usse kuch bhi kara sakte hai
To main es bare me kuch nahi bol sakti
May be Daksh school ke baad thik hogya ho ya fir vo pehle se jada wild hogya ho
Possibilities dono taraf jati hai
Khushi- thank you so much Maam for you time
We really appreciate that
Ma’am – I just want the kid to be happy and that’s it
Usne bahut kuch dekha hai apni zindagi me aur agar ye allegations juthi ho jo main dua karti hu ho to vo en sabse jaldi se jaldi bahar aa sake
Khushi- thank you Maam
Khushi- ab hum bulana chahenge crime branch ke senior inspector ko
Khushi- welcome sir to our show
Please introduce yourself
Inspector- thank you
Main crime branch ka senior inspector hu aur cm sir ke case ko maine hi handle kiya tha
Khushi- so can you please tell our audience ki cm sir ki death se Daksh chaudhary ka kya aur kaise rishta hai?
Inspector- jee
Daksh aur cm sir ki kafi dino se phone par baatein ho rahi thi
Jis din sir ki death hue us din bhi kuch ganto pehle hi unki Daksh se baat hue thi
Khushi- aur
Inspector- humne sirf ki call history nikali to hume es bare me pata chala aur fir Daksh ka naam news me dekha to thoda shak hua uspar
Esliye hume Daksh ke phone location check ki jo sir ke farmhouse par hi mili
Uske baad humne sir ke farmhouse jane wale sare cctv camera check kiye jisme bhi Daksh cm sir ki farmhouse par jate saaf dikhaye de rahe hai
Aur jis time sir ke farmhouse par aag lagi us time bhi Daksh ke phone ki location vahi thi
Ab ye sab sirf ek itefak to ho nahi sakta
And that’s it
Khushi- jaisa hum sab ko pata hai ki vo hi d company chalate hai to d company ke d ka matlab Daksh to nahi?
Inspector – bilkul ho sakta hai
Hum es bare me chhanbin kar rahe hai
Khushi- ye etni badi gang hai to kya aapko koe threats vagra nahi mile abhi tak?
Inspector – jee nahi
Ye maine apne level par secret jaach ki thi to sayad es bare me unko pata nahi chala ho aur unhone kuch Kiya nahi ho
Khushi- aap humare viewers ko batao ki d company me aur kon kon hai?
Inspector – abhi tak ye confirm nahi hua hai lekin hume do logo par bahut jada shak hai
Khushi- kya aap hume un logo ka naam bata sakte ho?
Inspector – I’m sorry but that’s too confidential
Khushi- no problem
We can understand that
Thank you sir aapke time ke liye
Khushi- ab hum chalte hai humare last gavah ki taraf
Sir introduces yourself
Cbi- I’m retired cbi inspector
Khushi- thank you sir for giving us your time
Can you please tell us how you know about Daksh chaudhary?
Cbi- actually I don’t really know him
Hum bas ek parchae (shadow) ko jante the jo uske jaise dikhati thi
Khushi- can you please elaborate?
Cbi- bahut purani baat hai
***** ye jagah aapne suni hogi
Meri vaha par posting thi
Aur vo puri jagah underworld ka adda manni jati thi
Jab main vaha pahucha to vaha crime rate bahut jada tha lekin fir humne strict actions lete hue lagbhag sabhi gang ko vaha se eliminate kar diya
Sehar shant aur surakshit ho gaya
Lekin fir kahi se kuch log aaye
Kon the kaha se aaye aur kyu aaye ye kisi ko pata nahi tha lekin unhone fir se us jagah ko jhanum bana diya
It was like ki pehle vo jaha hell thi aur ab hell ke niche jo lava hota hai na vo ban gaye ho
Bahut buri situation ho chuki thi aur humare hatho koe evidence nahi lag raha tha
Actually mostly gangs kya karti hai apna khauf badane ke liye vo log khud hi different different platforms se admit kar lete hai ki ye humne kiya hai aur apne aapko reveal kar dete hai lekin yaha bilkul ulta ho raha tha
Sirf ek naam pata tha aur kuch nahi
Kab kaha kya hoga ye sab sirf unhe hi pata tha
Hum kuch kar bhi nahi paa rahe the kyuki shadow ko koe pakdega kaise?
Khushi- fir aapko kaise lagta hai ki ye sab Daksh ne kiya hai?
Cbi- vohi batane ja raha hu
Humne pure sehar ko seal kar diya
Har jagah police 24 gante police tanaat kar di aur har us insaan ko uthaya jispar hume shak hua
Lekin fir bhi success nahi mili
Ye log hawao me the
Fir ek din kahi se news mili ki kisi jagah par guns smuggle ki jane wali hai to hum log vaha pahuch gaye formal dress me
Lekin unko sayad ye pehle hi pata chal gaya tha aur vaha par mujhe pehle baar Daksh mili
He was waiting for me aur jo mere sath officers the vo raste me hi gayab hogaye the
Main akela bacha tha aur mere samne Daksh batha tha
He then confessed ki jo sehar me ho raha hai vo vohi kar raha hai and tried to buy me but maine mana kar diya
Lekin I must say he is a man of focus
Usne mujhse mera sab kuch chhin liya aur mujhe majbur kar diya uske sath milne ke liye
Ab mere pass do raste the ya to uske sath mil jau ya fir sab chhod ke kahi door chala jau
Humare pass uske khilaf koe saboot nahi tha aur agar koe kabhi milta to vo sab khatam kar deta
Esliye maine retirement le liya
Main apne aapko ek criminal ke sath khada nahi dekh sakta tha
Khushi- kya ye vohi Daksh hai jiski aap baat kar rahe hai?
Cbi- jee ha ye vahi hai
Khushi- thank you sir
And thank you everyone jinki vajah se Daksh ke chehre se sarafat ka nakab utra
Ab humne apna kaam kar diya hai baki ab janta aur police force ki bari……
