Update – 98
priya ab dinner karke apne room me aa gayi… Pilow ke niche rakhi diary ko usne nikala aur fir wo aage padhne lagi
“priya jaanti hai mere ander kya feelings hai … Aur me chahta hu ki wo bhi mere liye same feel kare … Aur ye possible hai … kyuki Aaj jab me uske karib tha … Tab mujhe aisa mehsus hua ki wo mera sath de rahi hai… Jab uske hoto ko mere hoth touch hue the tab usne apne aap ko achanak se dur kiya jarur lekin mere liye ye bhi kafi hai ki kuch pal ke liye uske man par mere jaisi feelings jaag gayi thi … Aur isliye ek ummid najar aa rahi hai ki priya meri ho sakti hai .. Ye sochkar Me khush hu … Shayad ye meri nasamjhi bhi ho sakti hai lekin thodi bahot ummid to me rakh hi sakta hu … Shivam se meri nafarat barkarar hai lekin fir bhi wo mera dost hai aur wo to janta bhi nahi ki me uske bare me ab kya sochta hu.. mujhe ache dost hone ka natak karte rehna hoga … Mujhe pata hai usko meri jarurat hamesha padti rahi hai aur aage bhi padegi lekin ab me uske jarurat me kaam nahi aanewala…“
priya padhte padhte ruk gayi .. Usne diary se bahar dekha … Wo chup thi bilkul chup … Na uske chehare par khushi thi na dukh .. Man me vicharon ka ek tufaan ghum raha tha .. Shivam aur neeraj itne ache dost the .. Wo dono bhi ek dusre ko bahot mante the lekin aaj meri vajah se unke dosti me darar aa rahi hai .. Me ye kabhi nahi chahungi ki meri vajah se aisa kuch ho .. Lekin in sabko me rok bhi kaise sakti hu … Wo man hi man me soch rahi thi … Lekin kuch der sochne ke baad bhi jab use solution nahi mila to usne fir se diary ko open kiya aur wo aage padhane lagi …
“jaise mujhe lagta hai ke shivam ko humesha meri jarurat padegi Aise hi hua … Shivam ne call karke mujhe bataya ki use dilip aur dusare ek number ki details chahiye.. Wo dusara number mahabaleshwar me active hai…Ye detail mujhe pehle shivam ko deni chahiye thi par maine aisa nahi kiya …kyuki shivam ab mere liye nafrat ban chuka hai ..Mera dil aur dimag ab uske liye acha nahi sochta .. shivam ke liye me ab badal chuka hu .. agar me pehle ka neeraj hota to me uski is mamle me help jarur karta lekin maine dilip ko phone kiya … Sach kahu maine pehli baar shivam ko dhoka diya tha aur aisa feel ho raha tha jaise me sabse bada ghatiya insaan hu .. Par me khudko aise karne se nahi rok pa raha hu … Wo log shivam ke sath kuch bhi kar sakte the … Aur isase mujhe koi problem nahi hogi kyuki me to usase nafart karta hu”
achanak se door pe khatkhataht hui … Priya dar gayi .. Usne ek bar darvaje ki taraf dekha aur aawaj diya
priya – kon hai? … maa… aap ho kya? ….
Lekin bahar se koi response nahi mila ….ab Usne wo diary ko pillow ke niche chupa diya… Aur thartharte hue pairose wo bed se jamin par uatari aur darvaje ke paas aa gayi … Usne firse aawaj di
priya – kon hai?
Lekin bahar se koi response nahi mil raha tha bas khatkhatana shuru tha… Wo samjh gayi ki neeraj hi hoga … Usne kuch socha aur fir dhire se door ko khola aur samne dekha to neeraj hi tha jo thode gusse me usiki taraf dekh raha tha …Neeraj ne ek baar priya ki taraf dekha aur wo andar chala aaya … ander aate hi Wo yaha waha kuch dhundne laga… Darvaje ke paas khadi priya pareshan ho kar use dekh rahi thi …. wo dar gayi thi .. use pasina chutt raha tha
Priya – aap kya dhund rahe ho …?
priya ne pucha sahi lekin neeraj ne koi jawab nahi diya wo bas sab jagah dhundh raha tha …
priya – Apki diary… aapki diary nahi hai mere paas..
Priya ne fir se kaha lekin isbar bhi neeraj ne use unsuna kar diya… Usne bed par… table par har jagah dhundha usko kuch nahi mila lekin fir jab usne gusse me bedsheet ko bed se pura khinch kar niche gira diya tab bed par rakha pilow niche gir gaya aur uski najar us diary par padi … Neeraj ne eknajar us diary ki taraf dekha aur fir priya ki taraf dekha to .. Priya ki najare ab niche jhuk gayi neeraj ne wo dairy uthayi… aur fir kuch na kehate hue wo vaha se jaane laga … lekin use aisa jaate dekh priya boli
priya – rukiye … Pls .. mujhe dijiye wo diary abhi maine ise padha nahi hai
neeraj ne ek baar uski taraf dekha
neeraj – ye meri personal diary hai ..
Priya – hogi … Lekin isme mere bare me likha hai .. Aur mujhe haq hai ye janane ka…
Neeraj – tum already sab jaanti ho ….
Itna kehkar neeraj ne fir darvaje ki taraf kadam badhaye …
Priya – aap shivam ke sath kya karne wale the ?
Priya ke aise puchne se neeraj ne ekbar priya ki taraf dekha lekin fir wo jane laga
priya – aap use jaan se maarne wale the? …aap aisa kaise soch sakte ho uske bare me?
neeraj – aisa bilkul nahi hai …
Priya – hai aisa hi hai … Maine wo pdha tha ki wo log shivam ke sath kuch bhi kar sakte
hai aur apko koi problem nahi hogi kyuki aap usase nafarat karte ho ….
Neeraj ab door ke karib tha .. wo kuch der aise hi ruka raha aur fir kuch sochne ke baad usne fir door ko andar se band kar diya …wo ab priya ke paas aa gaya …priya thartharate hue use dekh rahi thi … jaise jaise neeraj uske karib aa raha tha wo ghabrate hue piche jaa rahi thi .. lekin piche diwar thi wo ruk gayi .. neeraj uske kaafi karib aa gaya … dono chup the aur ekdusare ke bilkul karib the … priya ki garam sanse use uske chehare par feel ho rahi thi .. uske hoth kaanp rahe the .. chehara pasine se bhig gaya tha …neeraj ki najar priya ke aankho me ghusi thi .. wo bada hi gambhir tha
Neeraj – baitho …
unke left side me rakhe bed ki taraf usne ishara karte hue priya se kaha …
priya – Aa …
priya thodi si gadbada si gayi lekin fir usne bed ki taraf dekha aur fir neeraj ki taraf dekh wo dhire se bed par baith gayi
To be continue
